SEBASTIAN JILI

NGABE WUSUKU LWAKHO LOKUZALWA NAMUHLA?

NOMA yini ohlela ukuyenza kumele uyihlaziye kuqala kanye nemiphumela yakhona. Ukuzimela kuyiphupho lakho elikhulu. Ukuzithoba kwakho kuzokwenza ukuba ufunde okubalulekile.

ARIES

UJWAYELE ukuphunyuka ezimweni ezibucayi kakhulu ngakho noma kuvela noma yisiphi isimo awunalo uvalo ngaso. Kwesinye isikhathi izinkinga zakho zibuye zikunike amandla.

TAURUS (April 20-May 20)

UNEZINHLELO ezintsha ezingakulethela inzuzo. Okunye okukugqilazayo akudluli kalula ngenxa yemicabango onayo. Zonke izinqumo ozithathayo kumele nakanjani zihlaziywe.

GEMINI (May 21-June 21)

KUNETHEMBA olizwayo ukuthi livuke kabusha empilweni yakho. Kumele ufunde isifundo kulokhu osudlule kukhona empilweni yakho. Uma ulangazelele okukhulu, kumele ubuyisele uvalo eceleni.

CANCER

UNGUMUNTU ozwela kakhulu uma kukhona abakhuluma amazwi alumelayo. Ungacabangi ngalabo abangakuphathanga kahle. Izifiso zakho kanye namaphupho akho kuseqophelweni eliphakeme kakhulu.

LEO (March 21-April 19) (July 23-August 22)

ZITHIBE ezintweni ezibonakala zinobungozi. Sebenzisa noma yiliphi ithuba ukuzama ukonga imali onayo. Amehlo akho wagxilise phambili ngoba kulapho impumelelo yakho ilele khona, ungabheki izithiyo.

VIRGO (June 21-July 22) (Aug 23-Sept 22)

UMA kukhona ombonayo ukuthi angenza umehluko kwezinye izinkinga onazo kumele nakanjani ungaziqhelelanisi naye. Kukhona amathuba obungawanakile okumele uqale uwavumbulule.

LIBRA (Sept 23-Oct 22)

UKUNGABAZA kumele kube yinto ekude nawe. Impilo yakho isentendeni yesandla sakho ngakho kumele ukhumbule ukuthi uma ungenzi lutho ngayo ngeke kwenzeke lutho futhi.

SCORPIO (Oct 23-Nov 21)

UNOBUHLAKANI obuthile obuhambisana namancoko futhi uyathanda ukushiyelana imibono nabanye. Leli thuba liyakuvumela ukuba ulungise okonakele esikhathini esedlule.

SAGITTARIUS (Nov 22-Dec 21)

KWESINYE isikhathi izimo ziyakuphoqa ukuba ubhekane nezidingo zabanye. Kumele ukuzabalazele njalo okudingayo. Ingqondo yakho ithola ukuswabuluka uma ithola ulwazi olusha.

CAPRICORN (Dec 22-Jan 19)

KONKE okuqondene nawe okuthinta ezezimali kumele ukulungise manje. Uma uxhumene nabantu abanobuhlakani uyakhuthazeka ezinhlosweni zakho. Umbono obheke phambili ngeke wathikamezeka.

AQUARIUS (Jan 20-Feb 18)

OBUNYE ubunzima ongabhekana nabo budinga ubuhlakani bakho. Qaphela ungazibuki ngendlela abanye abakubuka ngayo kodwa zibuke ngendlela okholwa ukuthi uyiyo wena.

PISCES (Feb 19-March 20)

UKUZE impilo yakho ihlale iqondile kumele kube nguwe oyibhekela okuyifanele. Umndeni wakho uthembele kakhulu kolunye usizo ongaqhamuka nalo. Uma ulandela inhliziyo yakho ungazithuka wenza okungafanele.