NGAPHANDLE KWENKUNDLA ~ NHLANHLA HUDLA

UKHULE efisa ukuba ngumdlali webhola elikhokhelwayo uthemba Bavuma (28) ongumdlali wakuleli wekhilikithi odlalela icape Cobras neqembu lesizwe lakuleli elaziwa ngamaproteas.

Ubavuma udabuka kwalanga, ecape Town.

Uthuthele egoli emuva kokuba abazali bakhe befudukele khona.

Uzalwe mhla ka-17 kunhlaba (May) ngo-1990.

Lo mdlali ukhule edlala imidlalo eyahlukahlukene okubalwa kuyona nonobhutshuzwayo nokuyiwo akhule efisa ukuhamba ibanga elide kuwona.

Ufunde esouth African College Junior nase-st Davids Marist Inanda High School, esandton. Ufunde imfundo ephakeme e-university of Johannesburg (UJ).

Le nsizwa esencane eshaya ngobhebhenene wentshebe iqale ukudlala kwilions ngesizini ka-2010 kuya kweka-2011 nalapho ikwaze ukushaya ama-run angu-242 emdlalweni emine kuhlanganisa no-120 ewenze bedlala ne-the Knights nokwaholela ekutheni iqokwe njengomdlali ovelele.

Ngonhlaba ka-2017 ubavuma ujoyine icape Cobras. Ukudlondlobala kwakhe kuholele ekutheni abizelwe eqenjini lesizwe iproteas.

Izinto ziqale zambhedela eqenjini lesizwe nokugcine kuba nezinkulumo ezinkundleni zokuxhumana abanye belibeka ngesihloko elokuthi akumfanele ukuba seqenjini lesizwe.

Akaphelanga amandla wavuka wazithatha njengoba esebalwa nabadlali abaphambili kuleli.

Ukushaya kwakhe into ecokeme kuholele ekutheni abizelwe kwidurban Heats Squad edlale imidlalo yemzansi Super League obekungeyokuqala kuleli.

Ingxoxo kabavuma NELANGA Langesonto ngempilo yakhe yangaphandle kwenkundla ihambe kanje:

I/ L: Ungazichaza njengomuntu onjani?

Bavuma: Ngikhule ngiwumuntu okhululekile futhi ozithobile nobahloniphayo abanye abantu.

I/ L: Ukhulele ekhaya elinjani? Ngikhulele ekhaya elinenhlonipho kuningi engikufundiswe ngabazali bami nengikholwa ukuthi kuyangisebenzela namanje.

I/ L: Nibangaki kwenu?

Bavuma: Sibathathu.

I/ L: Ngabe abazali basaphila?

Bavuma: Yebo, ngisenabo umama nguphumza kanti ubaba uvuyo.

I/ L: Ngabe usushadelwe?

Bavuma; Yebo, nginonkosikazi engimthanda kakhulu uphila Lobi.

I/ L: Hlobo luni lomculo oluthandayo?

Bavuma: Ngithanda owehouse Music ikakhulukazi ublack Coffee.

I/ L: Uyakwazi ukupheka?

Bavuma: Ngiyazama ukupheka njengoba umuntu ekade eyehlala yedwa esikoleni kuphoqa ukuthi umuntu akufunde.

I/ L: Yiliphi izwe ongathanda ukuyozipholela kulo phesheya kwezilwandle?

Bavuma: Ngingakuthokozela ukuyovakashela e-england inezindawo eziningi umuntu angazithokozisa kuzona.

I/ L: Usichitha kanjani isikhathi uma ungekho matasa?

Bavuma: Ngiyaye ngivakashele umndeni wami noma ngiziyele ezitolo.

I/ L: Ungene kanjani kwikhilikithi?

Bavuma: Ngiqale ngizidlalela ibhola futhi nginezifiso ezinkulu ngalo kodwa kuthe mangifika egoli ngashintsha ngadlala i-cricket emuva kwalokho angibange ngisabheka emuva.

I/ L: Hlobo luni lwephone oyiphathayo?

Bavuma: Ngiphatha i-iphone 6.

I/ L: Yisiphi isilwane osikhonzile ?

Bavuma: Anginaso esiqondile engingathi ngiyasithanda kodwa ngiyathanda ukuzibukela zona.

I/ L: Hlobo luni lwemoto oyikhonzile?

Bavuma:

Ngithanda

IBMW 320 series.

I/ L: Yimuphi umbala owukhonzile ?

Bavuma: Ngithanda omhlophe nomnyama kodwa neminye ngiyayisebenzisa.

I/ L: Yimuphi umlayezo ongawudlulisela entsheni efisa ukuhamba ezinyathelweni zakho?

Bavuma: Umuntu kufanele azimisele azazi ukuthi ufunani empilweni. Kodwa into emqoka kunazo zonke yimfundo.

I/ L: Isiphi isifiso sakho esikhulu nonyaka?

Bavuma: Ngifisa ukumela izwe lami endebeni yomhlaba nokuthi liwunqobe lo mqhudelwano.

UBAVUMA ekwilions. UBAVUMA nofaf du Plessis NAMUHLA kule Ngosi ingaphandle Kwenkundla sikuphathele uthemba Bavuma ongumdlali weqembu lekhilikithi lakuleli iproteas