LILUFIPHI IKUSASA LE-KINGS DRIVE

KUTHIWA lintanta emoyeni ithimba lekings Drive kwigagasi FM, elifike kwezwakala kulesi siteshi ngokuthi liqophe umlando ngokuba nabalaleli abangaphezu kuka-1 million.

Umthombo WELANGA LangeSonto, ongaphakathi kulesi siteshi, uthi usphectacula (Sphe Ngwenya) nodj Naves (Lebogang Nave), kabanayo inkontileka yomsebenzi nalesi siteshi, okusho ukuthi bangahamba noma nini uma bethanda ngokusho komthombo.

Kuthiwa inkontileka okwakumele bayisayine kabahambisananga nemithetho nemibandela yayo, base beyiduba kanjalo.

“Phakathi kwezinto ababethenjiswe zona (phambilini) wukuthi bazokwazi ukusakazela e- studio sasegoli nokuthe uma sebesayine inkontileka yashaywa indiva leyo ndaba. Kumanje bafunwa ngapha nangapha yiziteshi ezahlukene.

Uma beke bavumelana nesinye isiteshi, igagasi lizoba senkingeni enkulu ngoba uhlelo lwabo luthandwa kakhulu,” kusho umthombo.

Umthombo uqhuba uthi maningi amathuba okuthi bahambe yize behola kahle kulesi siteshi ngenxa yokungavumelani ngezinto ezithile nabaphathi.

“Bangabantu abamatasa kakhulu futhi bafunwa ngapha nangapha yingakho bengasayinanga i- contract eyodwa. Basayina ama- contract ahlukene bese elokhu evuselelwa njalo ngemuva konyaka. Kulo nyaka abakaze bayivuselele,” kuqhuba umthombo.

Nokings Sfiso obengumsakazi walo igagasi kodwa olilaxaze waya okhozini FM kuthiwa naye ubengasenayo inkontileka abeyisayine negagasi, yingakho kube lula ukuba azihambele ngokushesha.

Ukhulekani Shandu, okhulumela igagasi, ethintwa yileli phephandaba ngesonto eledlule mayelana nalolu daba uphawule kafushane wathi: “Abekings Drive bayisayina befika inkontileka, baseyingxenye yegagasi. Ngeke ngiphawule (ngokuqukethwe) yizinkontileka ngoba ziyisivumelwano phakathi komsakazo nabasakazi,” kuphetha yena.