NGABE WUSUKU LWAKHO LOKUZALWA NAMUHLA?
KONKE okwenzayo kumele kube yisifundo kwabathile. Kunezimo ezizama ukukucindezela, kodwa ukuzethemba kwakho kukwenza ungadikibali. Kunesimo okungavumi ukuba usithalalise kalula.
ARIES (March 21-April 19)
IZINTO eziningi ezishaya wena uyabona ukuthi nabanye ziyabashaya. Umphefumulo wakho awunakho ukuthula ngenxa yovalo ngekusasa lakho.
TAURUS (April 20-May 20)
IZINGA lokukhuthala kwakho lehlile kakhulu. Ungalinge ugudluke kulokho okuyiphupho lakho noma kungaba nezimo ezikushayayo.
GEMINI (May 21-June 21)
UNGAKUVUMELI ukukhathazwa yizimo zothando. Kunesinqumo ohlale unongabazane ngaso okumele ngabe kade wasithatha. Kukhona amandla akho okumele uwasebenzise.
CANCER (June 21-July 22)
UBUYE uthande ukubheka ukuthi abanye bathini kunokuba wenze okholelwa kukho. Uma ukuqonda okusemqoka kuwe, ungalinge ungabaze ukunamathela kukho. Kumele ubagweme abangani abahlale bengakufiseli okuhle.
LEO (July 23-August 22)
UYATHENJWA ukuthi unamandla ebhubesi, yikho izinto zakho uhlale uzilwela. Ukunqoba kwakho kuzohambisana nokuzethemba onakho.
VIRGO (Aug 23-Sept 22)
UYASIDINGA isikhathi sokuphumuza umqondo wakho. Uyakudinga ukuthokomala kodwa uhlale unokuphazamiseka okuhlale kukhona empilweni yakho.
LIBRA (Sept 23-Oct 22)
UTHANDO lwakho seludlule ezigabeni eziningi ezahlukene. Ungalinge uhlehlele emuva emzabalazweni onawo empilweni.
SCORPIO (Oct 23-Nov 21)
IZINQUMO zakho yizona eziqukethe isimo sekusasa lakho. Ubuye uzibambezele ngokugxila emaphutheni amadala esikhundleni sokuba ukhohlwe ngosekwadlula.
SAGITTARIUS (Nov 22-Dec 21)
IZINKINGANA zakho zobudlelwano akumele ziphazamise indlela ocabanga ngayo. Ukuvivinyeka kobudlelwano yinto eyenzeka kunoma ngubani, kodwa kusemqoka ukuqhamuka nobuhlakani bokwedlula ezinkingeni.
CAPRICORN (Dec 22-Jan 19)
UVALO lungaba namandla okukuthiya ezintweni ezisemqoka. Ulwazi lusemqoka ezintweni eziningi ezahlukene empilweni.
AQUARIUS (Jan 20-Feb 18)
UYAZAZI lapho unamandla khona, ngakho kumele ugxile lapho. Uyazama ukulibala izinto eziyimihuzuko empilweni yakho, ezikuphathe kabi, kodwa uma usuwedwa, uyasizwa isilonda sibhibha.
PISCES (Feb 19-March 20)
UNGASEBENZELI ukugculisa abanye ekubeni wena ungagculisekile. Kuhle kakhulu ukuzimela kwakho ngale kokuncika kwabanye. Isitha sakho esikhulu obhekana naso ngesimayelana nokuhlehlisa izinhlelo ezisemqoka.