ZOWAKHA MBATHA

COLD PURSUIT

UMQONDISI: Hans Petter Moland ABADLALI ABAPHAMBILI: Liam Neeson (Nels Coxman), Tome Bateman (Trevor “Viking” Calcote), William Forsythe (Brock “Wingman” Coxman), Tom Jackson (White Bull), Emmy Rossum (Kimberly “Kim” Dash), Domenick Lombardozzi (Mustang), Julia Jones (Aya), John Doman (Gip), Laura Dern (Grace Coxman) UHLOBO: Action/ Thriller/ Comedy IMINYAKA: 16 D/L/V

NJENGOKUJWAYELEKILE ngeke baphoxeke abalandeli bakaliam nakule filimu njengoba zikhathi zonke ehlale esebenza ukuvikela umndeni wakhe. Nalapha uziphilela impilo enokuthula nenkosikazi yakhe, ulaura, kanti bazokwehlelwa yifu elimnyama ngokufa kwendodana yabo okuthiwa ibulewe yizidakamizwa kodwa inkukhu iyawusola umgqakazo.

Lesi simo siholela ekutheni ulaura ahanjelwe yingqondo, nokwenza unels ahlanye kakhulu, afune ukuziphindiselela. Uqala lapho-ke eziphenyela kuze kube kuvela igama lesigilamkhuba esisebenza ngazo izidakamizwa, uviking.

Kakulula ukufinyelela kulo mlisa njengoba enenqwaba yezincelebana nokuyikho okuyenza ibe mnandi le filimu. Ulekelelwa ngumfowabo, uwingman, ngolwazi mayelana nokwenziwa yizigebengu esithe.

Uwingman, oseziphathelwe yi- cancer, uke wasebenzela uyise kaviking phambilini.

Uze athumbe nendodana kaviking ukuze akwazi ukumthola la emncane khona. Isingenile e- cinema kanti mancane amathuba okuthi ungaphuma unganelisekile.

zowakha@ilanganews.co.za

IMPELASONTO yokuphela kwenyanga (29-31 March) ishiye ICAPTAIN MARVEL ihleli esicongweni emafilimini ayishumi ahambe phambili ngokubukwa. Yiyo futhi ebisafake imali eningi njengoba bese ifinyelele ku-r38 927 504. Ibimi kanje itop 10:

1. CAPTAIN MARVEL

2. DUMBO

3. WONDERPARK

4. WHAT MEN WANT

5. COLD PURSUIT

6. US

7. HOTEL MUMBAI

8. HOW TO TRAIN YOUR DRAGON: THE HIDDEN WORLD

9. FIGHTING WITH MY FAMILY

10. TYLER PERRY’S A MADEA FAMILY FUNERAL