IDowns ithele ngehlazo iziqhwaga zase-Egypt
Izitha zigcine sezixabana nonondweba, ibhokile induku
IZIBEKE ethubeni elihle lokudlulela kuma- semi-final ecaf Champions League imamelodi Sundowns idedela ulabhabha wempama kwi-al Ahly yase-egypt eyidabule ngo-5-0 ovuthayo emlenzeni wokuqala wequarter final izolo ngomgqibelo ntambama elucas Moripe Stadium, e-atteridgeville.
Umlenze wesibili uzokuba ngomgqibelo esiya kuwona mhla ka-13 kwephezulu ekuhambeni. Amagoli esundowns aqotshelwe enethini nguthemba Zwane ngomzuzu ka-14, uwayne Arendse ngoka-24, yiphenathi karicardo Nascimento ngoka-47, ugaston Sirino ngoka-62 nophakamani Mahlambi ngoka-83.
I-ahly izamile ukufaka ingcindezi kwisundowns kodwa kwasho khona ukuthi bezingafune lutho ezikapitso “Jingles” Mosimane (ongumqeqeshi) emuva.
Indlela udonga lwesundowns obeluqine ngakhona, bekubonakala ukuthi ngisho kungange
zwa eminye imizuzu, izivakashi ngeke zithole lutho. Empeleni ezikamosimane bekumele zinqobe ngembudlu yamagoli, kodwa zabulawa wukushweba amathuba kukahlompho Kekana ongukaputeni nosirino ngesiwombe sokuqala.
Nokho iphenathi ebekwe enethini ngunascimento isuse umsindo, abadlali be-ahly bekhala ngokuthi babanjwa inkunzi ngunondweba, bethi unozinti wabo akazange amthinte ulebohang Maboe.
Cishe ukufika ngobuningi kwabalandeli besundowns yikhona okufake le kilabhu omkhulu umfutho kwazise idlale ingcwenga yebhola ebashiye (abalandeli) bengawuvali umlomo.
Ukubuya kukasibusiso Vilakazi ekulimaleni, kufane nesibusiso kumosimane.
Nokho ukungangenelwa yigoli kwedowns kuqinisa amathemba okudlulela kuma- semi final kumasandawana.