SIZIPHOLELE
UMA ukhuluma ngomdlalo kamabonakude owuchungechunge, ithe Queen, kunabalingisi abafika kuqala emqondweni wabathandi balo mdlalo okhonjiswa kumzansi Magic kwichannel 161, ngomsombuluko kuya kulwesihlanu ngo-21h00.
Ngeke ukhulume ngalo mdlalo ungalifaki igama likabrutus oyisithandwa sababukeli. Ngesikhathi ngithola ukuthi kuzokuba neziqephu zalo mdlalo ezizoqoshelwa ethekwini, ngibe nesifiso sokuba abe khona ubrutus, okuyindawo elingiswa nguthemba Ndaba osemnkantshubomvu kulo mkhakha.
Nebala ngesikhathi ngifika efairmont Hotel, ezimbali, kungithokozisile ukubona lo mlingisi ukuthi ungomunye wabazoqopha kuleli dolobha.
Kwabanye abalingisi abebekhona kubalwa uconnie (Harriet Khoza) noshona (Jerry Maake) Ferguson abangabasunguli balo mdlalo, usthembiso “SK” Khoza (Shaka Khoza), uzandile Msutwana (Vuyiswa), urami Chuene (Gracious Mabuza), uzenande Mfenyana (Goodness Mabuza) nodineo Moeketsi (Kea Khoza).
Nakuba ngesikhathi sifika kule ndawo bekumatasa kuqoshwa, kodwa undaba ukwazile ukuhlala phansi
naleli phephandaba, saba nengxoxo ekhethekile. Engikuqaphelile ngaye ngaphambi kokuba siqale ingxoxo yethu, wukuthi ungumuntu ongandile kakhulu ngokukhuluma, kodwa futhi akabexwayi nhlobo abantu.
Undaba utshele leli phephandaba ukuthi nakuba ezalelwe esoweto, kodwa ukhulele ezindaweni ezahlukene ngenxa yokuthi uyise ubengumfundisi. Kulezi zindawo ubale iswaziland nezimbabwe.
Kungimangazile ukuveza kwakhe lokhu kwazise uma ekhuluma isizulu, ungafunga ukuthi wake wahlala KwazuluNatal.
UDLALE EYOBUTABANE KUSENZIMA UKUKHULUMA NGALE MPILO
Uthi ukwazi kwakhe isizulu esijulile, yingoba ngesikhathi esafunda eswaziland, ubenza izifundo zesiswati nesizulu. Undaba uthi wehlukile kakhulu kunobrutus, kwazise yena ungumlandeli wekaizer Chiefs, kodwa ubrutus uzifela nge-orlando Pirates. Uchaza ubrutus njengomalume okhona kuyona yonke imindeni.
“Okungichaza ngokudlala indawo kabrutus, wukuthi ungumuntu abantu abamaziyo, futhi abanaye emindenini yabo. Ubrutus akacabangi ngaphambi kokuba akhulume, usho noma yini efika kuqala engqondweni yakhe, noma ngabe iyapho
xa leyo nto, akanandaba,” kusho undaba obekhuluma ngezwi eliphansi.
Uthi yena kayikho into ayikhipha emlonyeni wakhe engazange ayicabange okwenza ehluke kunale ndawo ayilingisayo. Undaba uveza ukuthi kuyamthokozisa ukubona abantu beyithokozela indawo kabrutus, okwenza aqhubeke nokuzimisela uma eyilingisa.
Kuzokhumbuleka ukuthi kuke kwasuka umsindo ezinkundleni zokuxhumana ngesikhathi kuvela izindaba zokuthi ubrutus ushonile kulo mdlalo. Undaba uthi wazizwa ethobekile ukubona uthando olukhonjiswe ngabantu ngaye.
“Kuyangithokozisa ukubona abantu bethakasela umsebenzi wami, lokhu kuyangikhuthaza ukuba ngiqhubeke nokusebenza ngokuzikhandla,” kusho lo mlingisi abaningi abazomkhumbula elingisa indawo yokuba yisitabane emdlalweni wamahlaya, istreaks.
Undaba ube ngomunye wabalingisi bokuqala kuleli ukudlala indawo yokuba yisitabane ngesikhathi kusenzima ukuba kukhulunywe ngakho. Uthi uhlale ekuthokozela ukudlala izindawo ezehluke
kakhulu kunempilo ayijwayele. Utshele ILANGA Langesonto ukuthi unesifiso sokudlala indawo kasopolitiki okhohlakele ngendlela eyi simanga. “Nginesifiso sokuba ngidlale le ndawo, ukuze ngiqonde ukuthi kusuke kuthini kosopolitiki ukuthi benze inkohlakalo baphinde bakwazi ukubhekana nomphakathi owentulayo. Lokhu kudinga isibindi esesabekayo,” esho kungicacela ukuthi indaba yenkohlakalo kuleli, iyamnenga.
Uthi nakuba engeyena usopolitiki, kodwa uyayilandela njengoba ekuqonda ukubaluleka kokuba abantu babuyiselwe
UHALELA UKUTHOLA INXIWA AZOFUYA KULO E-KZN
umhlaba. “Umhlaba ubalulekile ngakho ngiyahambisana nabathi umhlaba mawubuyele kubantu ngaphandle kwesinxephezelo,” kusho undaba ejika nasebusweni, kucaca ukuthi lokhu kumthinta ngaphakathi. Uthi uyazifela ngekwazuluNatal, yingakho enesifiso sokuthola inxiwa kulesi sifundazwe, ikakhulukazi uma kuzokuba yindawo egudle ulwandle.