UBHUQUZA EKHAYA OXOSHWE YI-EAGLES
UBHUQUZA ekhaya umdlali okhonjwe indlela yiroyal Eagles ngoba imsola ngokuthi uthatha isikhathi eside ngamabomu ukululama ngoba ebalekela ukubhekana nekilabhu yangakubo okusolakala ukuthi usesayine inkontileka yesibambiso nayo.
I-eagles izobhekana nets Galaxy kowenational First Division (NFD) namuhla ngesonto ngo-15h00 e-kameelrivier Stadium, Kwandebele.
Leli phephandaba lithole ngemithombo yalo engaphakathi kwi-eagles ukuthi iya kulo mdlalo nje udillan Solomons ( osesithombeni) obedlala ingcwenga yebhola kule kilabhu ukhonjwe indlela.
Kuvela ukuthi uxoshelwe ukuthi uthatha isikhathi eside ukululama iqakala ebese limhlalise amasonto amane engalikhahleli ibhola.
Kuvela nokuthi i-eagles isola ukuthi lo mdlalo uthatha isikhathi eside ngamabomu ukululama yingoba ubalekela ukubhekana neAjax Cape Town ngelizayo okusolakala ukuthi usesayine inkontileka yesibambiso nayo.
Leli phephandaba lishayela usolomons ngalolu daba uvumile ukuthi i-eagles imxoshile.
“Iyangidida into abangixoshele yona ngoba kade ngalimala kodwa bathi yingoba ngibalekela ukubhekana ne-ajax.
"Ngixoshwe emasontweni amabili edlule kusekude kudlalwe neAjax angazi ngempela ukuthi bengizobe ngiyibalekela kanjani i-ajax kusekude kanjena sidlale nayo.
"Ngilimele futhi ngisezwa izinhlungu eqakaleni. Ngomsombuluko ngiyobona udokotela wakhona lapha ekapa,” kusho usolomons.
Limubuza ukuthi ngabe usayinile yini ne-ajax uthe: “Ngamanga aluhlaza lawo angikasayini naqembu.
"Ngingasayina kanjani nekilabhu edlala kwinfd ekubeni kunenqwaba yamaqembu angifunayo kwi-absa Premiership?” kubuza lo mdlali.
Leli phephandaba lishayela ujames “Matatazela” Dlamini oyimenenja jikelele ye-eagles ngalolu daba ukuqinisekisile ukuthi lo mdlali bamuxoshile.
“Ngeke ngikhulume ngendaba yokusayina ne-ajax kodwa engingakusho wukuthi siyasola vele ukuthi usethatha isikhathi eside ukululama nje, yingoba ubalekela yona.
"Lo mfana ulimale iqakala emasontweni amane edlule obekuyinto engatheni odokotela bathi uzohlala amaviki amabili kodwa yena ulokhu ethi uzwa ubuhlungu ngeke akwazi ukudlala.
"Sibone kungcono simdedele ngoba siyasola ukuthi akafuni ukubhekana ne-ajax,” kusho udlamini.
Ephawula ngomdlalo wabo neGalaxy uthi uzoba nzima.
“Silimele njengoba ukaputeni wethu uphilani Cele ezobe engekho ngenxa yesigwebo samakhadi aphuzi.
"Siyathandaza ukuthi beze kulo mdlalo kuduma inedbank Cup kubona abasazoyidlala ne-arrows ngelizayo bese sihlohla inqwaba yamagoli.
"Kodwa khona kuzoba nzima ngoba inkundla yabo igcwala phama uma besekhaya,” kusho udlamini.
Isiyonke imidlalo YENFD enamuhla ngesonto imi kanje: NGESONTO
Ecape Town: Ajax Cape Town vs Cape Umoya United 15h00.
Evolkswagen Dobsonville: Maccabi FC vs Tshakhuma FC 15h00.
Ekameelrivier: TS Galaxy vs Royal Eagles 15h00.