Unephupho lokwenza amafilimu
Usenegama kwezamafilimu yize eneminyaka ewu-19 ubudala
IMFIHLO yempumelelo yabaningi ingenxa yemithandazo yogogo abahlale bewa ngedolo njalo bebafisela okuhle empilweni.
Udesire “Moh” Magoso (19), wasethekwini, ungomunye wabahamba ezinyathelweni zezimfundiso zabantu abadala njengoba ethi uninakhulu omkhulisile, unkz Zonke Magoso, ubambe iqhaza elikhulu ekukhuleni kwakhe emgqugquzela ukuba abeke imfundo phambili nokuthi anyathele umhlaba ngesizotha.
Imbewu etshalwe wuninakhulu akhule ehlala naye emthwalume, isiyaqala ukuqhakaza njengoba kumanje esezakhele igama emkhakheni wezamafilimu njengomunye wo- film director, i- video editor, i-camera operator aphinde abe ngu- producer.
Ngaphandle kwalokho, uphinde abe ne- vlog (okuyiziqephu ezingama- video) kwiyoutube ethi: “Life In Camera.”
Isinqumo sikamoh sokungena shi kulo mkhakha, uthi sigqugquzelwe wukubona uyise ezakhela igama kuwona, yizindaba azixoxayo mayelana
nomsebenzi wakhe nezindawo asezihambile athi ubengeke afinyelele kuzona ukuba ubengenzi lo msebenzi. “Ngesikhathi ngiqeda isikole, bese ngisenzile isinqumo sokufunda kabanzi nge- video technology, okuyiyona engiyenzayo manje edurban University of Technology. Ngiyayithanda i- art ngoba inomthelela omkhulu ekuhumusheni umyalezo othile osuke ufuna ukuwedlulisa, ukufundisa noma ukuqwashisa ngokuthile. “Iphupho lami elikhulu wukwenza amafilimu afundisayo nokusebenzisa ubuchule bobuchwepheshe ukwenza leso siqephu esithile sihumushe lokho ofuna ukukusho,” kusho yena. Uthi yize ebukela kakhulu kuyise, umnu Sandile Magoso, wenkampani ige Productions, uthi uyakuqikelela ukuthi naye abe negama lakhe, angaphili ngaphansi kwesithunzi sikayise. “Ukuzimela kubalulekile. Kakumele ngaso sonke isikhathi sicabange ukuthi izinto kumele zisizele kalula ngenxa yokuthi abazali bethu vele sebeyicabile indlela. Yilapho intsha eningi ishayeka khona ngoba izimelela ngabazali.
"Umzali kumele abe wumkhombandlela hhayi isitebhisi. Ngesikhathi ngenza isinqumo, bengazi ukuthi kumele ngibe nezinsizakusebenza njengamacamera nokunye, yingakho bengibamba amatoho ukuze ngizokwazi ukuthenga engikudingayo,” kusho yena.
Uyavuma ukuthi impilo yakhe ithe ukwehluka kancane kuneyontanga kwazise ugxile kakhulu emsebenzini.
“Uma ngibuya esikoleni ngiyasebenza, kuya ngokuthi ngimatasa ngani ngaleso sikhathi njengoba ngisebenza njenge- free
lancer. Uma ngiphuma emsebenzini ngifika endlini ngiqhubeke nomsebenzi ebengiwenza okuhlanganisa noku-editha.
"Uma sengenelisekile ngalokho, ngibe sengiqhubeka nomsebenzi wesikole. Lokhu kangikuboni kuwumthwalo kwazise abazali bami badele okuningi ukuba ngifunde.
“Ngaphandle kwalokho, ngiyakwenza abakwenzayo njengokufaka ama- headphones ngilalele umculo noma ngiphuphe ngezindawo engithanda ukuzivakashela nokuhlela ukuthi ngizoyenza kanjani futhi kuphi i- photoshoot elandelayo,” esho.
Uyahleka uma ebuzwa ukuthi ngabe amathuba amzela kalula yini ngenxa yendlela abukeka ngayo, phecelezi okubizwa ngepretty privilege syndrome.
“Ingisebenzela kuphela kwezemfashini uma ngibizwa kuma- pho
toshoot. Iyangisebenzela nasezinkundleni zokuxhumana ngokuba nabalandeli abaningi. Ngale kwalokho, ngisebenza ngokuzimisela,” kusho umoh.
Ngaphandle kokubukela kuyise athi unezimpawu zobuholi, uthi ukhuthazwa wukubona abantu abafana nosomabhizinisi owaziwa ngokupha abantu imali ezitaladini, umalcom X. Ubale ne- blogger, usandy Nene njengabanye abantu abamkhuthazile futhi abayisisekelo empilweni yakhe.
Isifiso esikhulu empilweni kamoh wukujabulisa unina.
“Uhlale engeseka ngaso sonke isikhathi yingakho eba ngowokuqala ukwazi uma kukhona okusha okwenzekayo kimina,” ephetha.
USEBENZE NOBANI?
Ube yi-video Director yomcimbi womsakazi wokhozi FM, ududu Khoza.
Usebenze negagasi FM eshutha ikings Drive Cook Show.
Usebenze kwi-kzn Premier Cup ngonyaka odlule, nakweminye emi
ningi.