SISEKUDE UKUSEBENZA ISIKHUMULO SASE-NEWCASTLE EBESIVULWA
KUSAZOTHATHA isikhathi ngaphambi kokuba siqale ukusebenza isikhumulo sezindiza esivulwe ngokusemthethweni kuleli sonto enewcastle, esidle imali elinganiselwa ku-r36 million.
Ukuvulwa kwalesi sikhumulo esixhaswe yi-european Union, kuzokwenza kube lula kubantu basenewcastle namaphethelo ukuhambela itheku negoli.
La madolobha abalwa namakhulukazi eningizimu Afrika njengoba kuzofinyeza ibanga abalihambayo ngemizuzu ewu-30-35 - okuvame ukuba ngamahora alinganiselwa kwawu-5 uma usuka enewcastle uya ethekwini ngemoto, namathathu uma uya egoli.
Lesi sikhumulo sihambisana nabo bonke ubuchwepheshe obutholakala ezikhumulweni ezinku
lu.
Isikhulu sezokuxhumana kumasipala wasenewcastle, umnu Dumisani Thabethe, sithe yize lesi sikhumulo sesethulwe ngokusemthethweni, kasikakulungeli ukusebenza.
“Sisezinhlelweni zokulungisa izintwanyana ezithile njengokuphothula uhlelo lokuhlunga inkampani ezoqokwa ukwengamela izindiza, wukuthi izindiza zizobe zitholakala kanjani nokuthi izisebenzi zizoqashwa kanjani,” kusho yena.
Uthe okubajabulisayo nokubalulekile wukuqhubeka kokukhula kwengqalasizinda enewcastle, engeke ifukule kuphela umasipala wendawo kodwa ezoba nomthelela nakomasipala abangomakhelwane; okubalwa umzinyathi, uthukela nemajuba.
Umnu Thabethe uthe lesi sikhumulo sizovula amathuba emisebenzi eyahlukene wathi kuzoba nenkampani ezokwengamela ukuqashwa kwezisebenzi.
“Uhlelo lokuqashwa ngeke lwenganyelwe wumasipala kodwa luzobe lungaphansi kwenkampani ezobe iqokelwe lokho. Sizoqinisekisa ukuthi umphakathi uyaziswa ngezinhlelo ngemigudu eyahlukene,” kusho yena.
ayandab@ilanganews.co.za