Bangena ezikweletini ukubonana noncwane
Amahlebezi omjolo abadumise nakakhulu
AMALUNGU eqembu lomculo wokholo elidumile adalule ukuthi aphoqeleka ukungena ezikweletini ukuze akwazi ukuhlangana nesilomo somculi wegospel esingasekho emhlabeni, usfiso Ncwane.
Iqembu Abathandwa, laboleka imali u-r25 000 lifuna ukugibela liye ecape Town ukuyohlangana noncwane.
Leli qembu lithi lali-ngazani nhlobo noncwane, kodwa selinesikhathi lizama ukuhlangana naye kungenzeki. Lithi labona ukuthi uzinze ecape Town kulezo zinsuku, laboleka imali, laqasha itekisi lalibangisa khona.
“Wayengenazo izinhlelo zokuhlangana nathi kodwa sabona ukuthi uma simhubha ecape Town, uzokwazi ukusinika indlebe, sikhulume naye,” kusho Abathandwa. Ngenhlanhla bathi wabemukela, wathi mabahlangane ethekwini, kwaqala ukuvuleka kwamazulu.
“Ngesikhathi siqeda ukuxoxa naye, wafaka isithombe sethu ekhasini lakhe lezokuxhumana, savele sajabulela lokho,” besho. Leli qembu elishisa izikhotha kulezi zinsuku, emasontweni ambalwa adlule lihlabane ngendondo ye-best Gospel Video eghana.
Konke lokhu bakudalule enkulumweni yabo ekhethekile NELANGA Langesonto, ngesikhathi belethe indondo yabo, bethi sebedayise i- platinum.
Batshele leli phephandaba ukuthi phambilini impilo ibinzima kakhulu kubona, bengazi nokuthi bazofika lapho sebekhona njengamanje. Bathi bahlangana esikoleni iking Shaka High School, emlazi, baqala khona ukucula.
Ukuhlangana noncwane kwabatshengisa ukuthi kukhona lapho beya khona. Kungakapheli
isikhathi esingakanani behlangane noncwane, lesi silomo sashona ngokukhulu ukuzuma.
“Sasingakazani kahle no-ayanda (umkancwane) ngesikhathi uncwane eshona, ngakho-ke sasizitshela ukuthi kuphelile ngathi. Nokho ithemba labuya ngesikhathi sifonelwa nguyena u-ayanda, ethi sizocula enkonzweni yesikhumbuzo,” besho. Njengamanje leli qembu