AMAKHEMPU AMQOKA EQEMBU LE-PROTEAS
LIZOKUBA namakhempu amqoka iqembu lesizwe lakuleli lenetball ngaphambi kwemidlalo yomhlaba ezoqala mhla ka-12 kuntulikazi (July) eliverpool, e-england.
Amakhempu eqembu lesizwe azoqala ngesonto elizayo kuze kube umhla ka-5 kunhlaba (May).
Umqeqeshi weqembu lesizwe uqoke abadlali abangu-21 okuzokuthi mhla ka-21 kunhlangulana (June) aqoke iqembu lokugcina eliya kwinetball World Cup eliverpool.
Iqembu lesizwe lizozokube liziqeqeshela est Mary’s Diocesan School, etshwane bese lidlulela erembrandt Hall, etuks Sports Centre.
Inetball Spar Proteas okubizwa ngalo iqembu lesizwe lizokuya kulamakhempu ngaphandle kwabadlali balo abangu-8 abamqoka.
Abadlali abangeke babe kwikhempu ngubongiwe Msomi, ushadine vane de Merwe, umaryka Holtzhausen, usigi Burger abadlala e-england. Abanye ngukarla Pretorius, uphumza Maweni, u-ine-marie Venter abase-australia bese kuba ngulenize Potgieter odlala enew Zealand.
Umqeqeshi weqembu lesizwe unorma Plummer unomlando omuhle ebholeni lo mnqakiswano njengoba ekwazile ukunqobela i-australia izindebe ezimbili zeworld Cup.
Iproteas kubhekwe ukuba yenze kangcono kulo mqhudelwano njengoba iphethe lo mqeqeshi. Lo mqhudelwano uzodlalwa ngamazwe angu-16 kanti iningizimu Afrika ikugroup C, lapho inejamaica, itrinidad and Tobago nefifi.
Kuleli qoqo izwe elingase lithwalise kanzima iproteas ijamaica ekleliswe phezulu kunayo kanti kubukeka izozogwazewla ibhece kulawa amanye amazwe.
Elakuleli lizokuya kulo mqhudelwano likleliswe unombolo 5 emhlabeni kanti lenze kahle kakhulu nyakenye libhaxabula i-england kumacommonwealth Game abese-australia.
Imidlalo elandelayo yenetball World Cup izokuba secape Town ngo-2023 kanti izingqwele zenetball World Cup yi-australia.
Iproteas izolifulathela elakuleli mhla ka-28 kujune amabombo esebheke e-england nalapho izokuba nekhempu yezinsuku ezine.