Umdlali webucs udabukela IPMB Utd
Unyatama uthi bawafuna ephelele amaphuzu
IMINJUNJU kumdlali weOrlando Pirates ngesimo esibhekene nemaritzburg United ake agijima kuyona. Ibucs izobhekana nemaritzburg kowe-absa Premiership ngolwesithathu ngo-19h30 eharry Gwala Stadium, emgungundlovu.
Lo mdlalo ubhekwe ngabomvu ngabathandi bebhola njengoba bekholwa wukuthi ungase ucacise ngekusasa lemaritzburg kwi-absa Premiership njengoba ibambe ibhuleki emsileni we-log.
Ibucs yona iwadinga ephelele njengoba isembangweni wesicoco seligi nemamelodi Sundowns.
Umusa Nyatama odlala esiswini kwipirates oke wagijima kule kilabhu yakwazulu-natal uthi imuzwisa ubuhlungu into eyenzeka kule kilabhu.
“Imaritzburg ngidlalile kuyona futhi ngisithokozele isikhathi engisihlale kuyona, iyohlale isenhliziyweni yami.
"Isimo ebhekene naso sinzima kodwa-ke ayikho into engingayenza ngoba nathi sifuna isicoco seligi.
"Yiphupho lanoma yimuphi umdlali ukuba nendondo yeligi ngakho-ke yilona thuba leli alikho elinye.
"Kubuhlungu impela okuyenzakalelayo kodwa ngeke sibe nazwelo siyothatha amaphuzu agcwele kulo mdlalo.
"Angeke sikwazi ukulahla amaphuzu manje isikhathi esibhekene naso sinzima ngendlela eyisimanga, kufanele sinqobe yonke imidlalo esisalele.
Sizokuqinisekisa ukuthi siyawunqoba lo mdlalo ngoba sifuna ukuyinqoba le nkomishi,” kusho unyatama.
Imidlalo ye-absa Premiership isiyonke phakathi nesonto iqhathwe kanje: NGOLWESIBILI
Eloftus Versfeld Stadium: Mamelodi Sundowns vs Chippa United 15h00.
E-FNB Stadium: Kaizer Chiefs vs Golden Arrows
19h30.
Ecape Town Stadium: Cape Town City FC vs Highlands Park 19h30.
NGOLWESITHATHU Egoble Park: Free State Stars vs Baroka FC
18h00.
Eharry Gwala Stadium: Maritzburg United vs Orlando Pirates 19h30.
Eking Zwelithini Stadium: Amazulu FC vs Supersport United 19h30.
E-old Peter Mokaba Stadium: Polokwane City vs Bloemfontein Celtic 19h30.
Ebidvest Stadium: Bidvest Wits vs Black Leopards
19h30.
Isimo ebhekene naso sinzima kodwa ayikho into esingayenza...