UZINGELWA AMAKILABHU AMAKHULU UNOZINTI WE-BAY FC
USEPHENDUKE inyama emaqenjini agijima kwipremier Soccer League (PSL) unozinti werichards Bay FC okuvela ukuthi iyaphela inkontileka yakhe nale kilabhu uma kusongwa isizini.
Ibay izobhekana nemaccabi FC kowenational First Division (NFD) namuhla ngesonto ngo15h00 emhlathuze Sports Complex, eri-chards Bay.
Leli phephandaba lihletshelwe yimithombo yalo engashayi eceleni ukuthi uxolani “Mduzu” Ngcobo ovimbela ibay ophinde abe ngukaputeni wale kilabhu, ufunwa uthuli ngamakilabhu ehlukene, amanye adlala esigabeni se-absa Premiership.
Emaqenjini okuthiwa ayamfuna kubalwa ifree State Stars nelamontville Golden Arrows okungamakilabhu adlala kwi-absa Premiership, ne-university of Pretoria nembombela United bona abagijima kwinfd.
Kuthiwa umandla “Mhloli” Ncikazi ongumsizi womqeqeshi kwi-arrows, uqale ukuxoxa nalo mdlali ngesikhathi la makilabhu ebhekene kowesihle emasontweni ambalwa ebay.
Kuthiwa uthembise ukubuyela kuyena.
Kuthiwa ifree State ayikamthinti kwazise isafuna ukuqale iqinisekise ukuthi iyasinda ezembeni bese imthinta.
Uzipho Dlangalala ongumqeqeshi wetuks, usemthintile wamazisa nokuthi usohlwini lwabadlali abadingayo uma kusongwa le sizini.
Nembombela ngokunjalo kuthiwa iqale ukukhuluma naye ibhekene nebay koweligi.
Leli phephandaba lishayela lo mdlali ngalolu daba uthe: “Ifree State ibingakaze ingithinte, kwiArrows ngikhulume nomqeqeshi uncikazi kodwa asangaqeda ukuxoxisana.
"Okwamanje ngingasho ukuthi ayikho into ephathekayo, sisagcine ngokukhuluma nje kuphela.
"Kwituks ngishayelwe ngumqeqeshi udlangalala wathi akadingi nokungihlola ngoba uyangazi njengoba ngisebenze naye esikhungweni semamelodi Sundowns.
"Uthe ngisohlwini lwabadlali abadingayo angakujabulela umangingase ngibajoyine ngesizini ezayo.
"Kwimbombela ngikhulume nemenenja yakhona bathembisa ukuthi sizokhuluma uma sekuphele imidlalo.
"Okwamanje yilokho engikwaziyo okunye anginalwazi lwakho.
"Inkontileka yami nebay iyaphela uma kusongwa isizini kodwa into emqoka njengamanje wukuqeda isizini sisendaweni ehloniphekile kwi-log,” kusho ungcobo.
Uncikazi ukuqinisekisile kuleli phephandaba ukuthi bayamuthanda lo nozinti futhi bangakujabulela ukuba naye ngesizini ezayo ngoba ukwazi ukulidlala phansi okuyinto abayithanda kakhulu kunozinti.
Uthi konke kuzocaca ngokuhamba kwesikhathi.
Imizamo yokuthola udlangalala no-oupa Mathebula ongumnikazi wembombela iphunzile njengoba izingcingo zabo bezikhala kodwa zingabanjwa.
Uransie Mokoena oyimenenja ji-kelele yefree State ukuqinisekisile ukuthi kukhona unozinti abamfunayo odlalela ikilabhu yakwazulu-natal kodwa wathi bebengakaxoxi naye balinde kuphele isizini.