UMTHEMBU WENZE EZIBUKWAYO KWI-TWO OCEANS
WENZE ezibukwayo ubongumusa Mthembu eba ngumsubathi waKwazulu-natal wokuqala eminyakeni engu-29 ukunqoba itwo Oceans Marathon.
Umthembu ushaye intambo ngesikhathi esingu-3:08:39 ehluleka ngemizuzu eyisihlanu ukwephula irekhodi lalo mjaho eliphethwe nguthompson Magawana waselamontville u-3:03 alenza ngo-1988.
Umsubathi wesifundazwe owagcina ukunqoba lo mjaho nguwillie Mtolo owunqobe ngo-1990. Umthembu uye kulo mjaho engomunye wezimfivilithi njengoba eyingqwele yecomrades Marathon, aseyinqobe amahlandla amathathu.
Umqeqeshi kamthembu uxolani Mabhida utshele leli phephandaba ngaphambi komjaho ukuthi
lo msubathi uyogijimela ukuwunqoba lo mjaho. Uthi inhloso yabo enkulu nonyaka ukuqopha umlando esifundazweni ngokuba ngumsubathi wokuqala omnyama ukunqoba itwo Oceans necomrades ngonyaka owodwa.
Ngemuva komjaho umthembu utshele abezindaba ukuthi ujabule kakhulu ngokunqoba. Uthi uzwe sekuhambe isikhathi ukuthi isivinini ahamba ngaso singambeka ethubeni lokwephula irekhodi.
Lo msubathi ubhekwe ngabomvu ukuba avikele isicoco sakhe secomrades Marathon okubukeka izokuba sezingeni eliphezulu kakhulu nonyaka njengoba abasubathi abaningi bayo bengene nabokuqala abalishumi.
Indawo yesibili ithathwe nguDavid Gatebe obe yingqwele yalo mjaho ngo-2013 wanqoba icomrades Marathon ngo-2016.
Esigabeni sabesifazane, usivikele ngempumelelo isicoco sakhe ugerda Steyn oshaye intambo ngesikhathi esingu-3:31:29 ehluleka ngemizuzwana embalwa ukwephula irekhodi lalo mjaho u-3:30:36 eliphethwe ngufrith van de Merwe alenza ngo-1989. U-irvette van Zyl umangaze abaningi engena endaweni yesithathu eqala ukugijima i-ultra ngesikhathi esingu-3:41.
Abasubathi besifundazwe benze kahle kakhulu njengoba unkosinathi Duma engene unombolo 10 kwathi ujenna Challenor wangena endaweni yesihlanu kwabesifazane. U-elroy Gelant nohelalia Johannes wasenamibia babe yizingqwele ze-21km ngokuhlukana kobulili.
Isiyonke imiphumela yalo mjaho kwabesilisa ihambe kanje: 1. Bongumusa Mthembu 3:08:39, 2. David Gatebe 3:10:29, 3.Justin Kemboi Chesire 3:11:22, 4. Sintayehu Legese Yinesu 3:12:33, 5.Mabhutile Lebopo 3:16:03, 6. Mthandazo Qhina 3:17:32, 7. Jesse Gichuchi 3:18:17, 8. Lungile Qongqa 3:18:55, 9. Zachary Ornelas 3:19:22, 10.Nkosinathi Duma 3:19:34.
Kwabesifazane: 1.Gerda Steyn 3:31:29, 2.Mamorallo Tjoka 3:38:23, 3.Irvette van Zyl 3:41:32, 4.Dominika Stelmach 3:50:12, 5.Jenna Challenor 3:51:56, 6.Charne Bosman 3:52:15, 7.Loveness Madziva 3:56:37, 8.Priscilla Lorchima 3:58:25, 9.Kathryn van Meter 3:58:45, 10.Ramadimetja Babili 3:59:33.
Eye-21km kwabesilisa: 1. Elroy Gelant 1:03:19, 2.Jobo Khatoane 1:03:30, 3.Stephen Mokoka 1:03:36, 4.David Munja 1:03:39, 5.Melikhaya Frans 1:04:10, 6.Philani Buthelezi 1:04:12, 7. Precious Mashele 1:04:32, 8.Joel Mmone 1:05:07, 9.Namakoe Nkhasi 1:05:17, 10.Thabang Mosiako 1:05:21.
Kwabesifazane: Helalia Johannes 1:10:29, 2.Betha Chikanga 1:14:28, 3.Fortune Chidzivo 1:15:38, 4.Caroline Mhandu 1:16:40, 5.Rutendo Nyahora 1:17:50, 6.Rutendo Nyahora 1:18:19.7.Patience Murowe 1:19:02, 8.Nobukhosi Tshuma 1:19:22, 9.Rudo Mhonderwa 1:20:17, 10.Hanlie Botha 1:20:19.