NGABE WUSUKU LWAKHO LOKUZALWA NAMUHLA?
ZAMA ukulalela lokhu okuzwa ngaphakathi bese uyakwenza. Uma kukhona osukutholile ukuthi kakuhambi ngendlela eqondile okuthinta impilo yakho, kumele ukulungise ngokuphuthuma.
ARIES (March 21-April 19)
ZIFUNDISE ukubambelela kulokho okuwumgogodla wekusasa lakho. Imicabango yakho idinga ukuguqulwa kancane ukuze uzokwazi ukuba ubone lapho ophikelele khona.
TAURUS (April 20-May 20)
NOMA unemisebenzi eminingi, kodwa qikelela ukuthi osukuthintile kuyaphumelela. Ungakhuphuka umfutho ngezinhlelo zekusasa uma uxhumene nabantu abakukhuthazayo.
GEMINI (May 21-June 21)
UZOZIBONELA wena ukuthi sikhulu kakhulu isidingo sokuba wonge. Qaphela ukuthi imibono onayo ihambisana nezinhloso ezimsulwa. Umqondo wakho uzoba nokukhumbula izehlo ezindala kakhulu.
CANCER (June 21-July 22)
ISISEKELO sokuphumelela kwakho sizoncika emqondweni obuka phambili. Kuzodingeka ungachezuki nakancane esifisweni sakho. Uzokwazi ukumelana nezimo ezahlukene zempilo.
LEO (July 23-August 22)
UKUYA phambili kwakho kungaphazanyiswa wukucabanga imuva. Okumele ukubeke phambili wukuthi ikusasa lakho ngeke lakhiwe ngamaphutha enzeke izolo.
VIRGO (Aug 23-Sept 22)
QAPHELA ukwenza izinqumo ucasukile. Unesibindi sokwenza noma yini ngenxa yezimo osudlule kuzona empilweni. Umqondo wakho uyathatha uyabeka ngokumele ukwenze ukuthuthukisa iqophelo lokuphila kwakho.
LIBRA (Sept 23-Oct 22)
QALA kabusha uma kukhona lapho obonayo ukuthi kakuhambanga kahle khona. Njengamanje engqondweni yakho kuphithizela izifiso eziningi ikakhulukazi ezikhethekile.
SCORPIO (Oct 23-Nov 21)
UKUVEZA amasu athile ikakhulukazi kwezemali, yikhona okukuthuthukisayo. Kumele uqikelele ukuthi izindaba ezithinta umndeni wakho zilungisiwe. Kuzomele ufunde isifundo esisemqoka kuzo zonke izinselelo obhekana nazo.
SAGITTARIUS (Nov 22-Dec 21)
SEKUMELE ubheke phambili kakhulu ngempilo yakho ngale kokwesaba ukwahluleka. Umqondo wakho kumele ugxile ezintweni ezisemqoka kakhulu. Njalo kumele uthathe isinqumo esiphusile ngekusasa lakho.
CAPRICORN (Dec 22-Jan 19)
KUMELE ulangazelele ukuba nolwazi olunzulu ngalokho okwenzeka eduze kwakho. Uzizwa usemdlandleni wokwenza izinto ezahlukene ngempilo.
AQUARIUS (Jan 20-Feb 18)
PHOKOPHELELA phambili nokulungisa izinto ezithinta wena ezingalungile. Kumele ulalele okusemqondweni wakho ukuze uzokwazi ukwenza isinqumo esiqotho. Ukuphumelela kwakho kokunye kuzokwenza ukuba ukhululeke ekwenzeni noma yini.
PISCES (Feb 19-March 20)
UMQONDO wakho udinga ukukhunjuzwa ngezidingo ezisemqoka. Ulwazi onalo lufana nembewu edinga ukuniselwa. Impumelelo yakho ibuye ihambisane kakhulu nokungacaci kahle kwezinto zakho.