UGQUGQUZELWA NGU-EMTEE UMCULI OSAFUFUSA
KUBUKEKA sengathi ukuphumelela kwabaculi abasebancane njengonasty C, A Reece, Emtee emculweni we- hip hop kugqugquzele inqwaba yentsha ukuba izame inhlanhla kulolu hlobo lomculo.
Baningi abaculi abasebancane abafufusayo asebezenzele namavideo omculo wabo bawasabalalisa koyou Tube.
Lawa ma- video abanye bazishuthela wona ngomakhalekhukhwini imbala.
Omunye wale genge efufusayo ongenisile kulezi zinsuku ngumfanafuthi Mayisela wasethekwini oneminyaka engu-15 ofunda u-grade 9 owaziwa kangcono ngelikaboyperck.
Ithalente lakhe eliqale ukugqama e- high school afunda kuyona enkabeni yetheku, liphoqe ukuba uthisha wakhe axhumane nabazali ngoba kucaca ukuthi isikhathi esiningi sokufunda usichitha ngomculo.
“Uthisha wami nguyena oqale ngokunginaka ngoba bengilibala wukubhala ama- lyrics ngesikhathi sokufunda. Ngangenza iphutha (ngokungagxili emsebenzini wesikole) kodwa ngangisabela obizweni lwami.
"Ngenhlanhla uthisha wami nomama bavumelana ngokuwamukela bangeseke emculweni wami, manje sengiyakubona ukukhanya,” kusho yena esitatimendeni esikhishwe yinkampani asebenzisana nayo.
Namuhla nguye oba phambili emicimbini yasesikoleni kwezenjabulo, kodwa uthi uzimisele ngokuqhubekela phambili nakuyona imfundo.
“Engifuna ukukubona kwenzeka wukuphumelela nje kuphela futhi ngiyazi kuzomele ngizimisele, ngizinikele.
"Umculo wami ukhuluma ngezinto ezenzeka nsuku zaphuma empilweni yemihla ngemihla,” kusho yena. Umculo wakhe uyatholakala ezinkundleni ezahlukene kwiinternet zomculo. zowakha@ilanganews.co.za UNKUNZI akamtholi umuntu oyedwa ongamkhipha ejele.
Uqhabanga wenza isinqumo esishaqisa ugabisile, kanti nosbu uzithola esimeni abengasilindele. Umamlambo uxoxa nosibonelo ngephupho lakhe elibi. Usbu ubamba umangcobo esimeni esinzima, ufikile unika usbu isiyalo esingaphusile.
ISAZISO: Kuleli sonto sizoba nama-synopses amafushane ozalo ngenxa yobuhixihixi obube ngaphezu kwamandla ethu. Ngesonto elizayo, azobe esephelele njengokujwayelekile. UVHO Masindi uphuke umoya njengoba ezohamba maduze. Ujames umpintshele umoliehi ekhoneni. UvhoMukondeleli uveza ububi bukaseani. Umpho akeneme ngezenzo zikasusan. Kuvela obala isizathu sokubuya kukaseani.
Umuzi wasebukhosini uletha isixazululo ngodaba lukalindeleni. Umoliehi ushaywa ngujames emdlalweni wakhe. Uvhangani ubhekene nezinkinga, uzama ukulungisa isimo phakathi kwakhe nompfareni kodwa usedlulelwe yisikhathi. Ugizara ushaqisa abadala ngesikhathi ebakhumbuza ukuthi ayikabi khona inkosikazi ezozalela inkosi amadodana. Ujames uza nesicelo esibhebhethekisa ukungezwani phakathi kwakhe nomoliehi. Uvhangani wenza okushiya umpfareni ephelelwe ngamazwi, ufuna ukumshada.