OKUNYE NGAYE
kuka R2,6 billion ngonyaka ingxenye yayo kufana nokuthi iphonswa emhosheni ngoba kasikho isidingo sekhabhinethi enamalungu amaningi kanje aphila impilo ephezulu kodwa abantu bebulawa yindlala.
“Ikhabhinethi ingaba namalungu awu-15 kuphela, kuthi lena enye imali isetshenziswe ekutheni laba abathola imali yesibonelelo iphindwe kabili.
“Lokhu kungenzeka futhi ngikholwa wukuthi kungalwa nobubha futhi kungasiza nabantu abaningi abagulayo ngoba umnyombo wokugula kwabantu abaningi wukungatholi ukudla okunempilo ngoba imali abayitholayo ivele ingabanelisi.
“Ngiyakholelwa futhi ekutheni amaphoyisa, abahlengikazi nothishela yizona zisebenzi zikahulumeni okufanele ngabe zihola okwedlula bona osopolitiki,” kusho yena. yilungu lephalamende labantu abasha Kwazulu-natal.
Ziningi izikhundla adlule kuzona kuleli qembu nokuthe ngo2011 waqokwa njengekhansela leda kumasipala wetheku.
Usuku lwangomhlaka 25 kuMbasa (April), wusuku athi lubaluleke ngendlela eyisimanga kuyena ngoba yilona akhethwa ngalo ukuba ngumholi waleli qembu kulesi sifundazwe eminyakeni emine edlule. Uchitha isikhathi ngokuvakashela Kwanongoma ekhaya. Uthi yilapho ethola khona ithuba lokuphumula. Umndeni wakhe ubaluleke ngendlela eyisimanga kuyena njengoba ethi noma ematasa ngomsebenzi weqembu futhi efunda kodwa isikhathi somndeni uyasenza
Usipho “DJ Sgqemeza” Mbatha wokhozi FM ungumngani wakhe omkhulu nathi umfake ezintweni ngokumhambisa izindawo zobumnandi.
Ungumlandeli wokuqina wosuthu nekaizer Chiefs, kodwa Amazulu FC ahamba phambili njengoba ethi noyise uthanda wona.
Umsebenzi wokuba ngumholi weqembu eliphikisayo uthi uwenza ngokuzikhandla kodwa kudingeke ukuba adele okuningi empilweni yakhe.
Uyazifela ngemfuyo kodwa uthi izinkomo zakhe uzisisile emizini yabantu.
Uthanda ukuba sendaweni enemifula namagquma ukupholisa ikhanda.