INHLIZIYO KAYIPHAKELWA OTHANDWENI
AFTER
UMQONDISI: Jenny Gage
ABADLALI ABAPHAMBILI: Hero Fiennes-tiffin (Hardin Scott), Meadow Williams (Professor Soto), Josephine Langford (Tessa Young), Dyalan Arnold (Noah Porter)
UHLOBO: Romance/ Erotic/ Drama IMINYAKA: 16 D/S
UMHLAZIYI: Zowakha Mbatha
OKWENZEKA kutessa yinto ejwayelekile entsheni eningi eya ezikhungweni zemfundo ephakeme, iyoqala ukuzimela ingekho ngaphansi kokulawulwa ngabazali. Uyindodakazi nomfundi oziphethe kahle, ozinikele ngokugcwele emsebenzini wakhe, nonesoka elilodwa unoah.
Esefika ekolishi uhlangana nembuzimawa enguHardin, engumakad’ ebona, nemenza asale nemibuzo ngempilo abeyazi njengokuyiyona yona yonke le minyaka aseyiphilile. Izinto zonakala efika nje kulesi sikhungo, ehlangana nazokwabelana naye ngegumbi lokuhlala, usteph.
Unina usola ukuthi bazomfaka umoya wezikhova kanti ngempela kuzoba njalo njengoba bemusa emaphathini, kuphuzwa notshwala nokuyizinto abengazenzi phambilini.
Yikuwo la maphathi lapho ehlangana khona nohardin agcine exabana nesoka lakhe ocingweni uma limsola ngokudakwa nokuba yiwona msuka wokuhlukana kwabo nokungemukeleki kunina. Kuba kubi uma sekuvela ukuthi konke lokhu abekwenza uharding, bekuyingxenye yenselelo abebenikezene yona nobhululu bakhe yokuthi uzokwazi ukumginqa bese eyamala.
Ngeshwa inhliziyo kayiphakelwa njengoba nonoah ezithola eseyithanda ngempela le ntombazane. Shona khona uyozibonela ngoba isiphakathi e- cinema. zowakha@ilanganews.co.za
IMPELASONTO edlule yephasika yomhla ka-19-21 April ishiye ITHE WEDDING: KANDASAMYS ihleli esicongweni ngokubukwa kakhulu kanti ICAPTAIN MARVEL ibiqhwakele ngokufaka imali eningi (R46 224 399). Nansi itop 10 yaleyo mpelasonto:
1 2 3 4 5 6 7 8 9 10
THE WEDDING: KANDASAMYS SHAZAM!
LITTLE
CAPTAIN MARVEL
THE QUEENS CORGI AFTER
DUMBO
A DOG’S WAY HOME HELLBOY
PET SEMATARY