UCASTER WENZE EZIBUKWAYO KOWE-ASA SENIOR TRACK & FIELD
UWUBHEKE ngabomvu lo nyaka usamuel Sepeng ongumqeqeshi kacaster Semenya omangaze abaningi kwisizwe Medical Fund and 3Sixtylife ASA Senior Track & Field eqale ngolwesine yasongwa ngomgqibelo egermiston Athletics Stadium, egauteng.
Ngolwesibili ICAS okuyinhlangano enkulu ebhekelene nezemidlalo emhlabeni kulindeleke ikhiphe isinqumo ngobulili bukacaster ngemuva kokuba i-international Association of Athletics Federations (IAAF) ithe abasubathi abane-testosterone eningi kunabanye kufanele bathathe amaphilisi okuyehlisa.
Lo mthetho uqhuba uthi okungenani laba basubathi kuzofanele bathathe amaphilisi okwehlisa amandla abanawo.
Lo mthetho kuthiwa ubhekiswe kakhulu kucaster ngoba ukhuluma ngamabanga agijinywa nguye okuyi-400m, 800m ne-1500m.
Usepeng uthe ucela ukungaphawuli ngalolu daba.
Ucaster ugile izimanga edla umhlanganiso kwi-5000m okuyibanga okuthiwa kufanele aligijime kanti akagcinanga lapho njengoba ephinde wazidlela amahlanga kwi1500m evule igebe ka-100m eqopha isikhathi esingu-4:13:99.
"Kuningi esikubhekile nonyaka. Kunamaworld Championships azokuba ngomandulo (September) eqatar. Le midlalo siyibheke ngabomvu. Kuzokhumbuleka ukuthi ngo-2017 kule midlalo ucaster ubuye nendondo yethusi kwi-1500. Nonyaka inhloso yethu ukuba senze ngcono ngokubuya neyesiliva noma igolide.
"Besiye ukuyozihlola nje kwi5000m. Ingijabulise kakhulu indlela agijime ngayo," kusho usepeng.
Lo mqeqeshi uqhube wathi isikhathi siseside ngaphambi kwemidlalo yamaworld Championships, into abazogxila kuyona ukuyoziqeqesha.
I-athletics South Africa ( ASA) ikuqinisekisile ukuthi udaba lobulili bukacaster luzokhishwa ngoLwesibili ebusuku bese bebiza abezindaba ngolwesithathu, bezobazisa ngesinqumo.
Umengameli WE-ASA u-aleck Skhosana uthe imidlalo ihambe kahle kakhulu, ubonga kakhulu abaxhasi abasha.
Uthi izinto ziyathembisa kwiASA njengoba imidlalo yamajuniya ne-youth ibinabaxhasi bayo kanjalo neyamasenior.
Mayelana nokungasakazwa kwayo kumabonakude uthe: "Kubuhlungu ukuthi kasinaso isivumelwano netv. Ngicabanga ukuthi yithina esenze iphutha ngokuba sikhulumisane nabantu ababodwa. Ukube bebekhona abanye ngabe kasinayo lenkinga.
"Ithimba lethu lizohlangana nabakwasabc ukuzothola isisombululo. Ngiyathembisa ukuthi kukhona esizovumelana ngakho.
"Udaba loguquko ungqongqoshe wezemidlalo utokozile Xasa akhala ngalo naye sizohlangana naye simthulele umbiko wethu."
Uskhosana uqhube wathi kuzokuthi maduze bakhiphe isikwati esiya kumaworld Relay azokuba ngenyanga ezayo ejapan. Uthi okumjabulisayo wukuthi abanye abasubathi sebezenzile izikhathi zokuba yingxenye yawo. Faty. “Yize ebengasekho ekilabhini kodwa besisaqhubeka nokuba nengxoxo ekhethekile naye. Ubelithanda kakhulu izwe lakhe, iburundi,” kusho udladla.
Mayelana nomdlalo nobuntu, uthe kumele bazishayele bona ubuntu ukubalekela izembe.
“Kanginandaba neminye imiphumela, kithina lo mdlalo ufana nowamanqamu ngoba uphethe ikusasa lethu. Okuhle wukuthi abadlali bami bakwazile ukuqoqa amaphuzu awu-11 emidlalweni ewu-5 ilandelana. Lokhu kunginika ithemba elikhulu lokuthi sizokwazi ukuvika izembe.
“Ngikholwa wukuthi ngizokuya kulo mdlalo nesikwati esiqinile njengoba kubuya izitobha zami zombili. Nginxusa abalandeli ukuba bafike ngobuningi babo ukuzoxhasa abadlali bami. Ngifisa ukunika isipho esihle ubongani Ngidi (ongumnikazi wekilabhu) ngokuvika izembe ngalo mdlalo kwazise usewe evuka nekilabhu isikhathi eside, engibekezelela yize abaningi bekholwa wukuthi kumele engabe ungikhomba indlela,” kusho udladla.
Ngaphandle kwekings nobuntu, amanye amakilabhu alwela ukuvika izembe yijomo Cosmos nemaccabi FC.