ESKHALENI:
KUBUHLUNGU ukubona usizi olugubuzele unobhutshuzwayo wasemgungundlovu okuyisifunda esizakhele igama ngokukhiqiza inqwaba yabadlali bezinga eliphezulu.
Kube yizindaba ezehla kabuhlungu kwabaningi ukugengcwa yizembe kwemaritzburg City ebidlala kwisafa Kwazulu-natal ABC Motsepe League.
Le kilabhu eholwa ngubongi Hlophe, isikhiqize inqwaba yabadlali okubalwa kubona umbulelo “Old John” Mabizela obengukaputeni omncane kunabo bonke kwi-orlando Pirates nebafana
Bafana nojimmy Tau obengukaputeni wepirates nekaizer Chiefs ukubala nje ababili.
Okubuhlungu kakhulu wukuthi ibukeka isivuthiwe indlela yemaritzburg United ebheke kwinational First Division (NFD) njengoba ibhabhabele emsileni welog ye-absa Premiership.
Sizwelana kakhulu nabantu basemgungundlovu abenza konke okusemandleni ukweseka iteam of Choice okuyiyona yodwa ikilabhu yasemphithi edlala kwipremiership.
Mhlawumbe kungaba ngcono kuqiniswe umkhankaso wokweseka iroyal Eagles esembangweni wokudla ubhedu kwinfd ukuze inyukele kwipremiership kwazise nayo izinze emgungundlovu yize imidlalo yayo yasekhaya kule sizini iyigijimela echatsworth Stadium, ethekwini.
Okubuhlungu kakhulu wukuthi abaholi besafa emgungundlovu, babukeka bengenayo indaba nezinkinga zebhola kulesi sifunda njengoba bebanga izikhundla.
Umgungundlovu uyisifunda esibaluleke kakhulu Kwazulu-natal njengoba uhlale ukhiqiza ulozolo lwabadlali.
Kubi ngoba ngisho ubuholi bukazwelonke besafa bucheme nabaholi abathile kulesi sifunda, okuyinto ebhebhethekisa uqhekeko, kunokuba bufane nobaba oqotho, bukhuze bese buhlahla indlela.
Abaholi besafa esifundazweni nakuzwelonke, kumele ngabe basebenza kanzima ukuletha uzinzo emgungundlovu ukuze lesi sifunda siqhubeke nokukhiqizela isifundazwe abadlali abanohlonze.
Ukuklwebhana kwabaholi baseMgungundlovu, kunesandla ekufeni kwebhola kulesi sifunda.
Ngenhlanhla nginobudlelwano obuhle nohlophe, okwenza sikwazi ukubhunga ngezinto eziningi ezithinta unobhutshuzwayo.
Kubuhlungu ukuthi uhlophe uncamele ukuthi ikilabhu yakhe idliwe yizembe kwimotsepe ngenxa yokungazihlanganisi nemikhuba emibi okuthiwa yenzeka kulesi sigaba.
Uhlophe unqume ukusungula isikhungo sokuthuthukisa abadlali abasebancane ngemuva kokubona ukuthi inzima impilo yokudlala kwimotsepe League.
Abantu abafana nohlophe kakumele baqheliswe ebholeni ngoba banobuchopho obujulile ngonobhutshuzwayo waseningizimu Afrika futhi banesipiliyoni esikhulu ebholeni lamazinga aphansi okungasiza kakhulu ukuthuthukisa ibhola.