ZIGCINE ZISHADILE IZINGANE ZODUMO

BAGCINE belibophile elomshado izolo usiyacela Dlamuka (16) wasendonsa, Olundi nothando Msomi (15) wasemachubeni, enkandla, abaphenduka undabamlonyeni bethembisana umshado.

LIGCINE lifezekile iphupho lomshado phakathi kukasiyacela Dlamuka (16) wasendonsa, Olundi, nothando Msomi (15), wasemachubeni enkandla, ababophe elikasofasilahlane izolo.

ILANGA Langesonto belikhona kulesi simanga sabantwana abasekelwa ngabazali babo. Kuze kwashaya ihora lesithathu ntambama lingakaboshwa ifindo ngokwenkolo, kodwa ngokwesiko baganene. Umakoti ubevunule econsa, umkhwenyana ubehleli phansi phambi kukayise, umnu Mthandeni Jerome Dlamuka kuqhilika izihlathi.

Umnu Dlamuka utshele ILANGA Langesonto ukuthi lo mshado ubusiswe yibona bengabazali. Uthe lo mfana wakhe ofunda ugrade 9 endlovana High School, uzalwa ngumkakhe ongasekho, unini Dlamuka.

“Angazi ukuthi abantu bethuswa yini ngoba mina nginamakhosikazi ayisihlanu - amabili ngiwashade eneminyaka ewu-16. Abezenhlalakahle ngabatshela ukuthi abashaye imithetho emizini yabo, hhayi lapha kwami,” kusho umnu Dlamuka.

Uthi unezingane ezingu-25 kumanjenje kukhona ababili abazithwele. Umfundisi ocelwe ukuba azobahlanganisa ngokwenkolo, umfu Elijah Dubazane wehis Divine Bible Church International, ubesekhathazekile ngokuhamba kwesikhathi.

Ukhokho kamakoti, umnu Phazu Msomi, ukhulume esigcawini wathi uthando ungowakwaThabethe ngokuzalwa, kwamsomi kusekhabonina. Wathi uyamethula kwadlamuka. Bekugcwele inkundla abantu bezobuka, kukhona nabakamabonakude bezinhlelo zothando.

Alitholakalanga ithuba lokubathatha isithombe bendawonye esigcawini, umakoti ubenezimpelesi zakhe begoye eceleni kwebhokisi lomshado. Uthando ufunda ugrade 10 eking Cetshwayo High, enkandla.