Kusolwa isilomo se- gospel "ngokuqola obenguben 10"
U SEZIDALELE amazinyo abushelelezi wazifakela nesigcwagcwa, umculi we- gospel, ufikile Mlomo, osolwa ngumndeni womlisa abethandana naye ngokungaziphathi kahle nokuba nolimi olubi.
Umndeni wobeyisoka lalo mculi, usfiso Sibisi wasemachobeni, enanda, ethekwini, ukhala ngokuchashwa ngenhlamba yilesi silomo. Kuthiwa umsindo usuke ngemuva kokwehlukana kwakhe nosfiso. Ngokuthola KWELANGA
Langesonto, kusukela ufikile ehlukene nosfiso, akapheli kubo kwasfiso eyobachapha ngenhlamba. Ngemuva kokwehlukana kwabo, kuthiwa ufikile ugasele kwasfiso ehamba namaphoyisa, wafike wawola izimpahla zasendlini okuthiwa bebezithenga ngokuhlanganyela nosfiso.
Yize lo mndeni uthi awuyingeni eyokuthandana kwabo nokuthathelana izimpahla, kodwa ukhala ngokuthi ufikile uma ezwa kukhona okumshisayo, ukhumbula ukuyogcwanekela kuwona. Usolwa nangokuthi uusuke edle amponjwana uma eyowuhlasela.
Usfiso utshele ILANGA
Langesonto ukuthi inkinga wukuthi ufikile akafuni bahlukane.
“Ufikile wehlulwa wutshwala, yingakho ngikhethe ukuhlukana naye. Akafuni ngixhumane nomndeni wami, uthi uzongifuna imali. Okunye okusiqhathile yisikhwele kanye nomona,” kusho usfiso.
Ukhala nangokuthi lo mculi umshiye engenalutho, udle yonke imali yakhe. “Ngisho i- credit card yami uyibhubhisile,” kuqhuba yena. Ufikile nosfiso kubikwa ukuthi bese beneminyaka ecela kwemithathu bethandana, behlala ndawonye emqashweni osenanda Glebe.
Usfiso uthi ngesikhathi beqashile, bebakha umuzi endaweni kafikile ngasehazelmere Dam. Nalapho (usfiso) uthi umoshe enkulu imali ezitshela ukuthi bakha umuzi wabo bobabili. Ngemuva kokwehlukana kwabo, uthi kushintshe konke abebekuhlelile njengoba ngisho imoto athi bebeyithenge ngokuhlanganyela, lo mculi uyithathile.
Umndeni kasfiso uthe usunovalo ngenxa yokuthi ufikile ngelinye ilanga ufike ehamba nabalisa abathile basongela usfiso. Kuthiwa lo mculi useke wajikijelana ngamazwi nonina omdala kasfiso, bechaphana ngenhlamba. ILANGA Langesonto lizizwile ezinye izinkulumo eziqoshiwe ezinenhlamba okubikwa ukuthi ngezalo mculi nonina kasfiso.
Unkk Nunu Sibisi, ongunina kasfiso, ukhala ngokuthi ufikile udlisa ingane yakhe ngamapayipi njengoba ehlala eyisongela, ethi uzoyishiya ingenalutho.
“(Ufikile) ubefuna ukumdonsa ngekhala (usfiso), engafuni ukuba eze ekhaya. Uma sifona ubezivala izingcingo zakhe (usfiso) athi thina sizomtshela ukuthi sishoda ngokudla. Le ntombazane iphuza kuze kweqe, injalo nje inesikhwele esesabekayo,” kusho unina kasfiso.
Ufikile ekhuluma NELANGA
Langesonto uyichithile eyokuthi uyadakwa, wathi uma eya kubo kwasfiso usuke engadakiwe, usuke eyiswa wubuhlungu benhliziyo. “Ngisuke ngifuna ukuyozibonela ukuthi ulele nentombazane yini, yingakho kwesinye isikhathi ngitheleka ebusuku,” kusho lo mculi.
Uvumile ukuthi wazilanda izimpahla kwasfiso.
“Izimpahla kwakungezami. Uma esethandana nomunye, kumele amthengele izinto ezintsha naye, baqale phansi,” kusho ufikile.
Uthe uma usfiso ethi ngezakhe izimpahla kumele ngabe kade wazilanda. “Into emhlukumeza umoya (usfiso) wukuthi ngesikhathi ngiyolanda izimpahla, ngamfica elele nentombazane, ngavele ngathatha umbhede ababelele kuwona. Angigcinanga lapho, ngathatha ngisho ababekwembethe nezinye izimpahla,” kusho ufikile.
Uvumile ukuthi ikhona imali eyakhishwa ngusfiso ngesikhathi bethenga imoto, wathi ngeke ambuyisele yona ngoba yiyona azolungisa ngayo imoto lapho eyashayiswa khona nguye usfiso.
“Ubehambela phezulu, efaka amantombazane emotweni yami. Yisikhathi sami-ke nami sokuba ngizitike. Ngeke ayithole leyo mali ayifunayo,” kusho yena.
Uvumile futhi ukuthi wayibhubhudla imali eyayikwi- credit card kasfiso, ethenga izingubo. “Sasithandana nje. Angithi uma sithandana siyathengelana izinto, naye wayepha intombi yakhe. Yisilima ngempela lo mfana. Wake wambonaphi wena umfana ofuna imali uma senihlukene?” kubuza lo mculi.
Laba bobabili sebefakane enkantolo, ngenxa yokubanga izimpahla. Bazophinde bavela enkantolo ngomhla ka-9 kuncwaba (August) lapho kulindeleke ukuba baveze ubufakazi bokuthi impahla ngekabani. Ufikile uzisholo ngowakhe ukuthi usfiso bekungu-ben10 wakhe.
“Ngeke ngiyisho iminyaka yami kodwa ngimdala kakhulu kunaye,” kuphetha ufikile.