EZAMAFILIMU:
ungakwazi ukuzilawulela yona njengoba enza iphutha lokungayifundi imigomo nemibandela ngale foni egcina seyengamela nama- account akhe. Omunye umphumela walokhu wukwehliswa kwakhe nakulesi sigaba akuso emsebenzini ngoba lolu cingo luthumela umphathi wakhe ukai i- email lumphoqelela ukuba amnyusele esikhundleni. Ingene ngolwesihlanu olwedlule e- cinema. zowakha@ilanganews.co.za
LE ncwadi ebhalwe ngufaith Mbili idingida udaba olukhulu maqondana nalokho okumele kuqondwe ngumuntu wonke ngomshado. Yincwadi esingayifanisa nokuthi ngudokotela wemishado, osuhlanganisiwe noma ongakahlanganiswa. Uma ephawula emazwini akhe okubonga kulowo nalowo mfundi oyithengile le ncwadi yakhe, qede wazinika ithuba lokuyibheka, uthi empilweni siyakhetha.
Uthi sikhetha izithandwa zethu esikholwa wukuthi azinaphutha ndawo, siyakhetha ukuthi senzenjani kuzona, senza nemithetho yempilo yethu futhi siyakhetha ukuyigcina noma ukuyephula. Siyakhetha ukuhlalela isimo noma ukushiya. Uthi kusemqoka ukuba ukhethe kahle futhi uma sewenzile kanjalo, namathela.
Uqhubeka aphawule ngokuthi lowo esicabanga ukuthi ngumaqondana ongenaphutha empeleni akabi yilowo muntu ebesicabanga ngaye - lokhu sikubona uma sesize sazinikela, sicabange ukuthi sebeguqukile kodwa basuke bengaguqukile.
Leso naleso sahluko usendlalela ngokucaphuna amazwi okuhlakanipha naye awezwa eshiwo ngabanye abavelele. Ngaphandle kwalawo mazwi okuhlakanipha, umbhali ukuvula amehlo ngokuthi bobabili osafuna ukuganwa kumbe no-seganiwe, ngeke bamthola umuntu abaphupha ngaye ngoba akekho. Futhi kunemvelo ekomunye engeke iguqulwe ngomunye. Kanjalo nokuthi kuvamile ukuba umuntu alindele ukuba kuguquke omunye kodwa yena angazinuki amakhwapha. Asenele lapha isikhala sokusho konke le ncwadi ekuthintayo ngaso lesi sihloko esibaluleke kangaka.