IGQEMEKE UDUME I-KZN ATHLETICS ISHIYWA NGUMICHAEL SEME
IGQEMEKE ingozi engeqiwa ntwala ikwazulu-natal Athletics (KZNA) ishiywa ngumqeqeshi wayo odumile umichael “Sponge” Seme obephethe isikhungo sale nhlangano enewcastle.
Useme uzakhele udumo kwezokugijima eningizimu Afrika ngokukhiqiza abasubathi abaningi. Abasubathi abaphuma ngaphansi kwakhe singabala ucaster Semenya, ustephen Mokoka, uglenrose Xaba, amawele akwaPhalula ulebo nolebogang ukubala nje abambalwa.
Lo mqeqeshi ongowokuzalwa Kwazulu-natal, uvumile kuleli phephandaba ukuthi useshiyile KWIKZNA. Uthi usejoyine i-entsika ebiphethwe ngujohn Hamlett osekwimassmart.
Kwi-entsika useme uzokube esizana nowillie Mtolo benohendrick Ramaala okungabanye babasubathi abahlonishwayo kuleli kwazise sebeke baba yizingqwele zenew York City Marathon ngokwehlukana.
Useme uthe: “Isimo bese singesihle. Ngesikhathi kushintshwa abaphathi, impilo yami ibe nzima kakhulu. Bengiphathiswa okwengane, ngithethiswa ngiphathwa noma yikanjani ngabathile engingeke ngikwazi ukubadalula.
"Bengibekezela ngoba ngenzela izingane kwazise bezikholelwa kimina.
“Okunye obekungiphatha kabi wukuthi uma kuqokwa isikwati SEKZNA mina bengishiywa ngaphandle kodwa kuthiwa ngiwumqeqeshi wesifundazwe.
"Bengizihambela ngemali yami ukuyoseka izingane zami. Ngeke ngisayinaka leyonto njengoba sengithole ikhaya elisha kodwa ngizoqhubeka ngizibheke izingane zami uma kwenzeka ngithola isikhathi.”
Leli phephandaba lithinta imenenja-jikelele YEKZNA ugoodman Cele ivumile ukuthi bayitholile incwadi yokwesula kukaseme. Uthi njengamanje izingane zisele nosibonelo Khulu.
“Ngeke ngikwazi ukuphawula ngezinto ezishiwo nguseme. Wonke umuntu unelungelo lokusho noma yini engamphethe kahle. Ngimfisela inhlanhla lapho eya khona,” kusho ucele.