Inkosi uphinda ifuna isixoliso
NKOSI yamanazaretha ebuhleni, ohlangothini oluwine icala, uphinda “Ukukhanyakwelanga” Shembe, ifuna ukuba inkosi yamaqadi umqoqi Ngcobo ixolise kubo ngokudukisa nokuxova ibandla lamanazaretha.
Inkosi Ukukhanya beyibize abezindaba ngolwesine emzini wasesibusisweni, enanda ukuzobeka izifiso zayo nebandla.
Kulesi sithangami esigcine sesithanyelwa YILANGA Langesonto kuphela ngenxa yokungafiki kwabanye, inkosi ithe izophumela obala emuva kwezinkulumo eziningi ezivele emuva kokuba uhlangothi lwasethembezinhle luwine icala ngobuholi basebuhleni okumanje kuhleli umduduzi Nyazilwezulu Shembe esihlalweni sobuholi.
“Sithi thina ukuze kube nokuthula okuphelele ebuhleni, inkosi Ngcobo ayize kithi izoxolisa ngesenzo sayo sokukhuluma amanga ngomfihlo wenkosi Vimbeni “Thingolwenkosazane” Shembe, noma ibize isithangami sabezindaba ixolise itshele izwe ukuthi yayisho okusuka kuyo, yayingathunywanga.
“Kuzomele futhi kube yiyo etshela unyazi ukuthi yaludukisa, alugudluke esihlalweni. Uma yenze njalo njengamakholwa singayixolela ngoba yiyo eyinkosi yendawo futhi singamakholwa,” kusho Ukukhanya ngokuvumelana nabefundisi nabafowabo.
Odabeni lokuthi ngeke unyazi luphume emzini wasebuhleni ngoba kunamathambo oyisemkhulu futhi kukubo kwalo bathi kuyiphutha lokho ngoba inkosi Amos “Nyangayezulu” Shembe engasekho yayinomuzi wayo ebuhleni, yindawo yesonto, inetayitela layo.
Bebuzwa ukuthi uma bethi unyazi lungahlukana kanjani nabalandeli balo abaningi kangaka nokuyibona beyibandla abalulawulayo, baphendule bathi ekuqaleni kusaphila uthingo babeyinto eyodwa futhi akusilo unyazi olwazibeka kodwa yinkosi Ngcobo eyalusukela yalubeka ngosuku lomfihlo, yalubeka ingafakwanga ohlelweni ngaphambi kokuba ummeli wothingo amemezele umholi okunguye.
“Ngakho sithi abantu bazoyishintsha imiqondo, bazikhethele lapho bethanda ukukhonza khona uma eselikhulumile iqiniso,” kusho bona benikezelana.
Omunye umfundisi uthe ngendlela asebebandlululana ngayo, wake waphoxeka kunomngcwabo welungu lasebuhleni ababekhonza nalo okwathi uma kungena yena omunye knowledge. simelane@ilanganews.co.za