UPHOXEKILE UMBHISHOBHI EKHIYELWA EMISHINI
UBHODLA umlilo umbhishobhi webandla lamaluthela kuleli okuthe ngolwesibili ezoba nomhlangano nesigungu sebandla lakhe, wafica kulenga ingidi emishini eyikomkhulu lakhe, emphumulo, Kwamaphumulo, waze wawenzela engxenye.
Umbhishobhi Molwane Ubane uthi uphoxekile futhi wehliswa isithunzi ngumfu Themba Khathi nahambisana nabo ngalolu suku ekubeni kade ebazisile nge- email ukuthi uzofika ezokwethula umbiko mayelana nokuthi bukhethwa nini ubuholi bediocese yakwazulu Natal.
“Ngifike emphumulo ngawafica amalungu ebandla ebesizoba nomhlangano nawo. Kuthe lapho siya emishini yethu safica kulenga ingidi, sabe sesiwenzela endlini yesonto eseduzane.
“Ngiphoqelekile ukuba ngiye enkantolo Kwamaphumulo ngiyocela incwadi emantshini yokuba ngingene endaweni engiyiphethe, yize bekungesiso isifiso sami leso.
Ngeke ngisazibekezelela izenzo zikakhathi nahambisana nabo.
“Okokuqala usesempeshenini, (December), uma yena esefika mhlaka 17 sesivalile angiboni ukuthi bekungaze kugqekezwe.”
Ebuzwa ukuthi wenzenjani emuva kokuzwa ngokufika koMbhishobhi, uthe waziswe ngunkz Zama ukuthi onogada bamtshele ukuthi kukhona obefikile nencwadi yenkantolo wangena okuthiwa ngumbhishobhi. Uthi ufike ngosuku olulandelayo wafica sekushintshwe izingidi.
“Basekhona onogada bethu nabo laba abasha. Ngisazophenya kahle ukuthi bekunguye ngempela umbhishobhi wethu u-ubane bese ngithola incazelo egcwele,” kusho yena.
Kwelokuthi usesempeshenini kodwa usabonakala kula mahhovisi, uthe usasebenza yize ekuyo. Udaba lombango wobuholi baleli bandla uqale eminyakeni eminingi eyedlule ngesikhathi kuvela ukuthi ubuholi bangaleso sikhathi baba nenkinga yokuba kulahleke imali engu-r14 million.
Ngaleso sikhathi kwabe kusaphethe umbhishobhi Mnisi waseSwazini. Kugcine kunophenyo kodwa kuze kube manje kuthiwa akucaci.
Ngokunyamalala kwaleyo mali kwema imisebenzi eminingi yebandla, kubalwa nokukhokhelwa kwabefundisi, ibandla laba hlwempu Kwazulu-natal. knowledge.simelane@ilanganews. co.za
Okokuqala nje nguye umbhishobhi owathi asivale amahhovisi ethu...