Ulakay uzifela ngezinyoka nezinja

I/ L: Utshabaza ngamotoni?

Nginebmw M2.

I/ L: Hlobo luni lomculo okhonze ukululalela?

Yi-old Skool, uyoung Jeezy nochris Brown be- hip-hop.

I/ L: Usebenzisa siphi isiqholo?

Yi-issey Miyake nezagna ngoba zingishaya ngaphakathi ngendlela ezinuka kamnandi ngakhona.

I/ L: Yiziphi izilwane ozithandayo?

Yizinyoka nezinja futhi bengizifuyile ekhaya.

I/ L: Uphatha nhloboni kamakhalekhukhwini?

Ngisebenzisa i-iphone 7 plus. Nokho kangiyena umuntu wezinkundla zokuxhumana yize nginawo ufacebook, itwitter ne-instagram.

I/ L: Yimuphi umbala owuthandayo?

Ompunga (grey).

I/ L: Yiliphi izwe ofisa ukulivakashela?

Yisemaldives. Ngihlela ukuthatha umndeni wami siyoshaywa wumoya khona ngalesi sikhathi samaholidi ne- honeymoon.

I/ L: Usebenzisa nhloboni yekhokho?

Ngixhaswe yinike okwenza ngisebenzise imercurial.

I/ L: Ekhempini ujwayele ukuhlala nobani?

Ngihlala nanoma wubani kangikhethi. Nokho uma ngingekho ekilabhini ngijwayele ukuzihlalela nogranwald Scott, urobyn Johannes nowayde Jooste.

I/ L: Uzokwenzani uma sewubeke amakhokho ethala?

Ukukhuluma iqiniso nje, bengingakacabangi ngaleso sigaba. Nokho ngiyafisa ukungena ebhizinisini lezindlu uma isikhathi sivuma.

I/ L: Yikuphi okokuqala okwenzayo uma uvuka ekuseni?

Ngivusa isinqandamathe sami ukuze sixoxe. Naye uyazi ukuthi kumele avuswe yimina. Okunye engikwenzayo wukuthandaza kwazise ngikhuliswe ngomkhuleko.

I/ L: Uma ungaba ngumengameli wezwe yini eyokuqala ongayishintsha?

Wukulwa nobugebengu ecape Town. Ngingabuyisa isigwebo sentambo kubabulali, kulabo abahlukumeza abesifazane nabadlwenguli. I/ L: Uthini umlayezo wakho entsheni?

Kumele ikuhloniphe ukuba semhlabeni, izethembe futhi iziphathe kahle. Phela ukuziphatha kahle kwenza uhambe ibanga elide empilweni. Ngifisa nokubonga kakhulu abalandeli besundowns ngokuphuma ngobuningi babo bezoseseka ngesikhathi sizinze ethekwini. Shappaa Masandawana Shappa!