LIGXEKA UHULUMENI NGOKUNGANAKWA ICIKO

Uthi amaciko aselahlekelwe ngokuningi, kawanakiwe

UNTANDO Bangani oyiciko, obalisa ngokunganakwa kwabo wuhulumeni.

UNENGEKILE umculi we-afro-pop, untando Bangani ( osesithombeni), ngokwelula kukahulumeni isikhathi sokuvalwa

kwezwe ( lockdown).

Uthi lokhu kubulalisa abaculi ngendlala, kuphinde kushiye inqwaba yamaciko ivele ngekhanda ezikweletini. Ukhala ngokuthi sekuphele unyaka amaciko engenzi imali, kodwa khona lapho kumele abhekane nezindleko.

“Uma unendlu kumele ukhokhe isikweletu sendlu, uma unemoto kufanele ukhokhe isikweletu, uma unabantwana kumele ubhekane nezimfanele zabo. Ngibona sengathi abaculi abanakiwe kuleli zwe. “Kunabantu abaningi (amaciko) engibaziyo asebelahlekelwe yizinto eziningi ezibalulekile. Abanye balahlekelwe yimindeni, abanye balahlekelwe yizindlu, abanye balahlekelwe yizimoto, kodwa kuvele kuthiwa ‘bekezelani kuzolunga’. Yini ezolunga ngoba akukhona ukuthi bazobuya balungise osekonakele,” kusho untando.

Uthi ubona ukuthi kumele kube nendlela engcono yokuba kubhekwane nalesi simo. “Awukwazi ukuthi ungatshela abantu ukuba bahlale dekle bangasebenzi ekubeni ungenalo iqhinga lokuhlangabezana nale nto oyikhulumayo.

Ukhala ngomengameli wezwe umnu Cyril Ramaphosa, nomnu Nathi Mthethwa ongungqongqoshe wezobuciko namasiko. Uthi sekube nezethembiso eziningi kodwa ezingafezeki. Uthe okumkhathaza nakakhulu wukuthi alukho uhlaka oluhlelekile lwamaciko. “Indaba yokuvalwa kwezwe iyinkinga kubaculi ngoba bona bebodwa abanayo indlela abasebenzisana ngayo ukulekelelana - uma oyedwa esebenza akamcabangeli omunye. “Azikho izinyunyana ezisikhulumela kube nempendulo ebuyayo, ezwakalayo.” Uveze ukuthi umatasa estudiyo, upheka i-albhamu yakhe ka-8, kodwa inkinga wukuthi akazi ukuthi uzoyikhangisa kanjani njengoba imicimbi emikhulu ingavunyelwe, okuyilapho abaculi bejwayele ukukhangisa khona ngomsebenzi wabo omusha.

“I-musica (isitolo somculo) iyavalwa - sizoyidayisaphi (le albhamu)? Yebo, ngiyaluqonda uhlangothi lwezobuchwepheshe ( digital), kodwa kunezinto eziningi okumele zilungiswe embonini yomculo.”

Lokhu kungenami kukantando kuvele engxoxweni abe nayo nela

NGA Langesonto, ngolwesithathu ethekwini. Ubeqeda ukunandisa emcimbini abemenywe kuwo nguBhongolwethu “Dr Khehlelezi” Mzozo, abewenzele inkosikazi yakhe ucebile (Mazulu) Mzozo, ebigubha usuku lokuzalwa.

Lo mcimbi ubusemahlabathini ngaseverulam, esigodlweni sikaMzozo. Sekuyisikhathi sokuba anandise untando, ungene esiteji kwachwaza abantu. Ucule ingoma eyodwa waqeda lapho waya etafuleni lapho bekuhleli khona umzozo nenkosikazi, wafike wathi: “Hheyi ngagcina nini ukuza la! Ngiyabonga brazo, ungihlengile ( saved me).”

Utshele leli phephandaba ukuthi njengoba esethekwini ngeke akuphike ukuthi ukhishwe yindlala ekhaya. Uthi kuthe uma ethola ucingo lumbiza ethekwini, washiya umsebenzi abewenza estudiyo.

“Ukuba sestudiyo kuzothatha isikhathi ukuba kungikhokhele, kodwa ukuba la, kunginika imali manje. Nginabantwana, nginekhaya, nginezinto okumele ngibhekane nazo, ngakho noma ngabe yinini uma ngithola ithuba lomsebenzi ngizosebenza,” eqhuba.

Ugxeke uhulumeni ngokuthi uhlulekile ukubhekana nesimo, wathi bahlale beqhamuka namaqhinga amahle kodwa angasebenzi.

“Sekuyisikhathi sokuba indoda izibonele,” kusho yena.

ILANGA Langesonto liphinde laxoxa nomengameli wecultural and Creative Industry of South Africa (CCIFSA) ujoy Mbewana, othe: “Inkulu inkinga ebhekene nabaculi. Thina sisebenza ngezibalo - uma kukhona abantu nathi yilapho sisuke sikwazi ukusebenza khona.

“Njengoba abantu bevaliwe ukuhlangana endaweni eyodwa babe baningi kumnyana nakithina. Ngiyacela abaculi bakhulume ngazwi linye ukuze uhulumeni ezwe.

“Kunemali ephumile okuthiwa yi“third Phase Relief fund” enikwa abaculi kodwa kumele bagcwalise amafomu. Ukubha lisa kuvalwa ngomhla ka-22 (kule nyanga).”