UBUHIXIHIXI BAMAHOLO KUZALO
Upotshozele leli phephandaba ukuthi kunomunye wesithathu osendleleni ozokhonjiswa esiteshini sikamabonakude esikhokhelwayo, i-1 Magic.
“Nakuba ngingeke ngande kakhulu kodwa kuyasijabulisa ukukhula ngale ndlela kumabonakude njengoba siseyinkampani ethuthukayo,” kusho ugugu, eveza nokuthi lo mdlalo omusha nawo uzoba wuchungechunge, uzokhonjiswa phakathi nezinsuku.
Uthe wona ngeke uqoshelwe ethekwini njengoba sebedume ngokusebenza kakhulu kuleli dolobha.
“Ngenxa yokuthi asifuni ukwaziwa njengenkampani yasethekwini kuphela kodwa eyasemzansi, sikhethe ukuba lona siwenzele egoli futhi ungabi yisizulu kuphela kodwa uhlanganise izilimi ezahlukene,” kusho le ntokazi nayo eke yaba ngumlingisi.
Utshele leli phephandaba ukuthi yingenxa yokuba matasa nalo mdlalo omusha okubenze bahoxa ukuqopha isizini yesibili yehostela.
Uthe bebengafuni ukuzifaka phansi kwengcindezi, yingakho begcine bewudedela ngokuvumelana nabomzansi Magic neblackBrain okuyiyona egcine isiwuqopha lo mdlalo (Hostel) okhonjiswa njalo ngesonto kusihlwa.
“Okuhle wukuthi sikwenze konke obekumele sikwenze ngalo mdlalo ngaphambi kokuba siwudlulisele kwiblackbrai iwuqophe,” kusho ugugu.
Ugugu uphinde waphawula ngobuhixihixi bokungaholi kwabalingisi, obuke babikwa emasontweni amabili adlule.
Uthe lobu buhixihixi budalwe wukushintshwa kwendlela abaholela ngayo.
“Akukho okutheni ngalokhu ngaphandle kokuthi sasishintsha indlela esiholela ngayo futhi akuthathanga isikhathi eside - kwaba yisikhathi esifushane futhi bonke abathintekayo bagcina beholile ngesikhathi esifanele,” kusho yena.
Kuphoqeleke ukuba senze izinguquko ezinqala ukuze siqikelele ukuphepha kozakwethu kuleli gciwane.