QOQA UHLEKO LWAKHO
BAHLALI, anobuye nikhuze umhlola uma nithola ithuba. Le ntokazi enhle esakaza kuKhozi FM, unongcebo Mckenzie ikhuzeni bo!!! Ikuthathaphi ukuhleka sengathi isemfuleni ibe isakazela abalaleli abasezingeni eliphakeme njengomzala. Yeyi ngithuke ngacishe ngawa nesitulo ehleka ngolwesine ekuseni.
Bengisabathe uzozibamba, azicwecwe, ahleke njengo- glamour, kodwa lutho. Uqhubeke waqhephuka cishe yaphela imizuzu emihlanu. Yiba yileti wengcebooh, hleka ubuye nganeno.
YAZE yaphumelela ingane isencane. Uyazi ngithe uma ngibuka ingane kadj Zinhle, ukairo, emqondweni ngafikelwa yiculo likasjava elithi, ‘Engabe Lingiphatheleni Ikusasa Lami’. Ukairo unuka imali umbuka nje, angiphathi-ke njengoba esevele waba nama- sunglasses ontanga yakhe abizwa ngegama lakhe, ikairo Collection. Mmmhhm kazi iyofika nini le success kumzala LOL. Sengicabanga nokuqala izikhaftini ezibhalwe ukuthi Mzala Collection, ngeke phela sil-okhu sibukana nezingane zidla imali phambi kwethu.
UBONANG ‘Queen B’ Matheba uthi njengoba kuyivalentine’s Day namuhla, uzicelela izimbali nje kuphela. Ngizwelana nawe-ke Queen B... Phela selokhu wahlukana noAKA asiphindanga sazi lutho mayelana nokuthi usujola nobani.
Ungakhathazeki ntokazi awuwedwa, baningi osisi abanjengawe abancela izithupha namhlanje, abangezukuthola ngisho le mbali ye- plastic,
angisayiphathi eyomyalezo nje othi.
Happy Valentine’s Day.
Hheyi, kurough, ku- tricky, ku- bad kwalove! Kodwake ngoba umzala uyazifela ngawe uzozithumela wena bese umshaya nge- hug
yabazalwane nje.