Qaphelani amaqola kufacebook
MHLELI, emavikini amathathu edlule ngithole umngani kufacebook, ozibiza ngominister K Kwazi Mshengu, saxoxa saba ngabangani. Ngathemba impela ukuthi ngikhuluma nomphathiswa.
Kwafika isikhathi lapho ngibuza ngamathenda okuhlanza izikole. Wathi akhona kodwa abantu besifazane bayazenyeza ukungena. Wathi uzongibuzela kulaba abasebenza ngawo.
Ngosuku olulandelayo wathi uzongisiza nabantu bakhe ukuba bangibhalisele inkampani, banginike nethenda, wathi kodwa kumele ngikhokhe, bafuna R50 000 phambili, enye ngizoyikhokha uma sengihola ngomsebenzi. Wathi ngizothola izikole ezimbili emgungundlovu.
Ngempela ngathumela imininingwane yami kwi- email yakhe. Emuva kwezinsuku ezimbili wangithumelela i- tax clearance ( certificate) kufacebook ( messenger), wathi amanye ama- documents ngizowathola ngomhla ka-8 kuyo le nyanga.
Wanginika i- account ngafaka R35 000, wathi uzongigcwalisela ngo-r15 000. Ngathi ngiyo- printer i- tax clearance yavele yangavuma.
Ngafona ngibuza ama- documents. Akaphindanga walubamba ucingo. Wase ezivala zombili izingcingo abengifonela ngazo. Ngaqala ngavuleka amehlo ngabona ukuthi ngiyaqolwa.
Unolimi lo mfo, ngivele ngamethemba ngoba ngidinga imali kanti kuzohamba eyami. Ngangena kufacebook ngabona enye i- account umphathiswa exwayisa abantu ngaleli qola. Ihambe kanjalo imali yami.
Nginayo i- account engifake kuyo imali ne- email ( address) engithumele ngayo imininingwane yami namaselula abengifonela ngawo. Ngicela ukuxwayisa umphakathi ukuba ungalinge uthembe umuntu kufacebook. Bayaqolana abantu. Bayazi ukuthi sisenkingeni ngenxa yesimo secovid.
Okhathazekile