UMIDDENDORP ULENGELWA YIZEMBE KWI-MARITZBURG
ULENGELWA yizembe u-ernst Middendorp ( osesithombeni) ongumqeqeshi wemaritzburg United egqolozelwe yizembe emehlweni njengoba ihluleka wukuxaxama emsileni we-log yedstv Premiership.
Ukuhlulwa kweteam of Choice yitshakhuma Tsha Madzivhandila (TTM) ngo-1-0 ngolwesihlanu ebusuku eharry Gwala Stadium, emgungundlovu, kwenze abaphathi bale kilabhu babamba inguyazana ephuthumayo emuva kwalo mdlalo. Bekucaca ukuthi bathukuthele bagane unwabu ngalo mphumela kwazise ITTM iphuma ezinkingeni ezinzima njengoba isanda kushintsha nezandla zabaphathi.
Kuthiwa okucike nakakhulu izikhulu zemaritzburg wukuthi ikilabhu yazo ihlulwe YITTM efike enkundleni iphonselwe njengoba ingenayo umqeqeshi. Ebhentshini LETTM bekuhleli umpho
“SMS” Maleka nodavid “DVD” Mathebula kwazise izikhulu ezintsha zimkhombe indlela ujoel Masutha obengumqeqeshi. Kubikwa ukuthi isikhundla sokuqe-qesha ITTM kunge-nzeka sithathwe ngu-dylan Kerr osegcugce emakilabhini cishe wonke aselimpopo. Kuthiwa izikhulu zemaritzburg zihlukene phakathi njengoba kukhona ezikholwa wukuthi washeshe waxoshwa u-eric Tinkler.
Kwenzeka lokhu nje, izinto ziyihambela kahle ilamontville Golden Arrows enyukele endaweni yesithathu kwi- log emuva kokubhaxabula istellenbosch FC ngo-3-1 ovuthayo koweligi ngoLwesihlanu kusihlwa ewestern Cape.
Imiphumela yedstv Premiership imi kanje: Celtic 1, Chippa 1; Maritzburg 0, Tshakhuma FC 1; Stellenbosch 1, Arrows 3.
Eyegladafrica imi kanje:
Cape United 0, Pretoria Callies 0; Pretoria University 0, CT All Stars 1; Uthongathi FC 1, Royal AM 3; JDR Stars 2, Steenberg 1; Cape Town Spurs 1, Sekhukhune 4; Free State Stars 1, Richards Bay 2.
Imidlalo yegladafrica namuhla ngesonto imi kanje:
Eking Zwelithini: Bizana Pondo Chiefs vs Jomo Cosmos 13h30.
E-old Peter Mokaba:
Polokwane City vs TS Sporting 15h30.