Ipirates kwi-quarter final yenedbank
IBHEKENE nengcindezi yokuzama ukuqeda umlando omubi ikaizer Chiefs njengoba iqhathwe nekilabhu engawabheki amakilabhu aseningizimu Afrika, iwydad Casablanca yasemorocco.
La makilabhu azokhiphana inkani kowecaf Champions League namuhla ngesonto ngo-18h00 eburkina Faso. Lo mdlalo ubhekwe ngabomvu ngabathandi bebhola njengoba iwydad kuvela ukuthi isongele ichiefs ukuyithela ngembudlu yamagoli.
Le kilabhu kayikufihlanga ukuthi kayiwanambithisisi kahle amakilabhu akuleli njengoba ingabhekani nemamelodi Sundowns esidlale nayo kaningi kulo mqhudelwano.
Kuyaziwa ukuthi iwydad uma ibhekene nedowns kusuka uthuthuva kangangoba kuze kucishe kubanjwane ngezihluthu.
U-itumeleng Khune ongunozinti wechiefs, uthi babuqonda kahle ubunzima abazobhekana nabo eburkina Faso.
“Lo mdlalo unzima kodwa sizimisele ngokubuya namaphuzu amathathu. Siwulungiselele kahle lo mdlalo, wonke umuntu uwulangazelele yize sibuqonda ubunzima esizobhekana nabo njengoba kungesiwona umdlalo wethu wasekhaya. Sizimisele ngokukhipha wonke amandla esinawo ukuze sijabulise abalandeli bethu. “Ngike ngaya eburkina Faso phambilini nebafana Bafana sadlala ngokulingana neqembu lakhona, ngakhoke ngizozama ukusiza ozakwethu ukujwayela isimo sakhona. "Kunzima laphaya, ngeke kube wuhambo olumnandi kodwa-ke siyakwazi okulindelwe kithina, kufaneke silwele ikilabhu nebheji nabantu bonke baseningizimu Afrika. "Esikucelayo nje wukuthi abantu baseseke besemakhaya ngemithandazo ukuze sikwazi ukubuya namaphuzu amathathu,” kusho ukhune.