ABAMAQEMBU APHIKISAYO KABENEME NGENKULUMO KANDUNANKULU WASE-KZN
AMAQEMBU aphikisayo esishayamthetho sakwazulu-natal ayihlabile inkulumo kamnu Sihle Zikalala ongundunankulu, abeyethula ngolwesihlanu.
Umnu Velenkosini Hlabisa ohola I-IFP uthe le nkulumo kamnu Zikalala iyimpinda futhi ayinalo uhlelo oluqondile lokusebenza
( action plan).
Ukhale ngokuthi umnu Zikalala ukopele inkulumo yesizwe kamengameli Cyril Ramaphosa ayethule ngeledlule. Umnu Hlabisa uthe futhi undunankulu akabalanga lutho olumayelana nokulwa nobugebengu obudlangile esifundazweni.
Uqhube wathi okukhombisa ukungayisu kumeli eyobugebengu wukuthatha isikhathi eside kungaqokwa ungqongqoshe womnyango wezokuphepha nokuxhunyaniswa komphakathi, ngemuva kokudlula emhlabeni kukamnu Bheki Ntuli okunguyena obewengamele.
Umnu Hlabisa uphinde wasola u nduna nkulu ngokwenza izethembiso ezingena sisekelo, wakhala nangokungatha thwa kwezinyathelo ngenkohlakalo ethinta izimpahla zokuzivikela eyenzeka eminyangweni eyahlukene. Usole undunankulu na ngokungabi nalo uhlelo lokusats halaliswa komgomo wecoronavirus emphakathini.
Umnu Zwakele Mncwango ohola IDA, uthe undunankulu ubekhuluma ngaphandle kohlelo oluqondile ngezinto abezisho.
Uthe undunankulu ukhulume ngohlelo lukazwelonke lwamanzi kodwa wangasho lutho ngolwesi fundazwe nokuyinto athi bekumele anabe ngayo kwazise luseyinkinga esifundazweni.
Ugxeke undunankulu ngokuthi wehlulekile wukubeka isifundazwe ethembeni ngezinto abezisho njengoba bezingakhombisi ukuthi zizokwenzeka kanjani.
Umnu Vusi Khoza WE-EFF ukhale ngokuthi undunankulu akazange akhulume ngezinto ezithinta ngqo umphakathi. Ukhale ngokungaphawuli kukandunankulu ngobugebengu obudlangile basemingceleni ehlukanisa isifundazwe namanye amazwe angomakhelwane.
Uthe abantu basebergville namaphethelo baphila lubhojozi ngenxa yokwebelwa imfuyo yizigebengu zaselesotho, waphinde wakhala ngokwebiwa kwezimoto ziweliswe imingcele.
Umnu Khoza uthe abantu bahlukumezekile ngalobu bugebengu, wathi kuyadumaza ukuba undunankulu ayishaye indiva indaba yabo.
Nakuba la maqembu eyihlabile le nkulumo kodwa I-ANC iyamukelile njengoba umnu Nhlakanipho Ntombiela eveze ukuthi le nkulumo isicacise sonke isimo sesifundazwe nokumele kwenzeke, kuya phambili.