Umagic Hlatshwayo uzoshukumisa izinto emdlalweni imbewu
I
NKAKHA engumlingisi wemidlalo kamabonakude, umagic Hlatshwayo, ijoyina umdlalo owuchungechunge oqoshelwa ethekwini, Imbewu.
Uhlatshwayo ( osesithombeni) wazakhela udumo nogazi kwabaningi ngesikhathi elingisa emdlalweni osihloko sithi, "Kwakhala Nyonini", ngeminyaka yama-90.
ILANGA Langesonto lihabule ukuthi lo mlingisi useqalile ukuqopha kulo mdlalo okhonjiswa phakathi nezinsuku esiteshini esizimele, i-e.tv, nakuba kuthiwa kusazothatha isikhathi ukuba abonakale kuwona.
Imbewu ngomunye wemidlalo emikhulu kamabonakude eqoshelwa ethekwini. Kwi-e.tv ungowesibili ngokwesibalo sababukeli, ulandela iscandal! okuyisona esihamba phambili.
Ngokuthola kwaleli phephandaba, uhlatshwayo uzodlala indawo yomdidiyeli womculo ozovusa ikhono lokucula kumandlovu olingiswa nguthembi
Mtshali Jones, naye oyinkakha kulo mkhakha.
Okhulumela lo mdlalo u-eugene Cele ukuqinisekisile ukujoyina kukahla-tshwayo kulo mdlalo. Uthe uzoqala ukubonakala ngombasa (April) nonyaka. Nakuba indawo yakhe kungeke kube ngeyesikhathi eside, kodwa uthi ukuba khona kwakhe kulo mdlalo kusho lukhulu kubona nakubalingisi abasebancane. Utshele leli phephandaba ukuthi uhlatshwayo uzodlala indawo kawalter, kanti ukufika kwakhe kuzowushubisa umdlalo osuqeda isizini yesine kulo nyaka. Imbewu wumdlalo okhiqizwe yinkakha kwezemidlalo kamabonakude, uduma kandlovu no-anant Singh. Ugabe ngabalingisi okubalwa kubo uleleti Khumalo, uphindile Gwala, umuzi Mthabela, ujack Devnarain abangewona amavukana.
Ube wumdlalo wesibili ukuqoshelwa ethekwini kulandela Uzalo olukhonjiswa KWISABC 1, njengoba sekukhona nedurban Gen eqale ukukhonjiswa kwi-e.tv ngonyaka owedlule kodwa ekhombisa ukukhula ngesibalo sababukeli. Ngokwezibalo zababukeli bemidlalo kamabonakude ezigcine ukuphuma kuleli, kuvele ukuthi Imbewu isinababukeli abangaphezulu kuka-4 million.