KUKHUTHAZWA ABESIFAZANE UKUXOXA 'NGENKONZO' NABAYENI
OMUNYE wezithandani eziyingxenye yohlelo lukamabonakude imina Nawe House, olusakazwa esiteshini imoja Love kwidstv, umakgabo Aphane Kekana waseZebediela Magatle, elimpopo, uthi abesifazane abashadile kumele bafundise abayeni babo ngokuthi yiziphi izindawo abafisa ukuthintwa kuzona uma bethokozisana enkonzweni yasekameleni.
Uxwayisa ngokuthi uma bengakwenzi lokhu bangazithola besenkonzweni yasekameleni engabagculisi, engabaf inyelelisi "endumisweni".
Umakgabo ushade nompho Kekana, kanti bayingxenye yamakhaphuli awu-5 akulolu hlelo olusakazwa ngesonto kusukela ngo21h00 kuya ku-22h30 ebusuku.
Lolu hlelo luhlanganise izithandani ebezinezinkinga ezahlukene, ebese zilahle ithemba ngokuthi ubudlelwano bazo buyoke bulunge. Lezi zithandani bezikwi-boot Camp, kwenziwa izaba zokulungisa izinto, uthando lwazo lubuyele esimeni esijwayelekile.
Namhlanje ngesonto ebusuku kusakazwa isiqephu sokugcina salo. Luzobe lushayelwa ngusaziwayo usomizi Mhlongo.
Esikhangisweni sesiqephu sokugcina kukhona lapho kuvela khona umakgabo encoma indoda yakhe umpho, ethi iyamthokozisa enkonzweni yasekameleni.
Exoxa NELANGA Langesonto umakgabo uthe: “Besinezinkinga eziningi othandweni lwethu nompho, kodwa kusukela siye ohlelweni imina Nawe House, izinto zithanda ukuba ngcono.
"Yize bengihlu kumezekile ebudlelwaneni bethu, kodwa bekuthi uma sizithokozisa ngenkonzo yababili, ngithi ukukhohlwa kancane wubunzima ebengibhekene nabo.
"Uyangijabulisa umpho, ungenza ngizizwe ngikwelinye izwe engingalazi kwamina.
"Uyangazi ukuthi ngithintwaphi ukuze ngijabule. Ekuqaleni ubevele angibhozomele, uma esezanelisile angishiye kanjano ngingafikanga "endumisweni". Ngihlale naye phansi ngamchazela, ngamfundisa waze wajwayela, manje ngeke usamthinta, usewuqanduqandu.
"Ungenza ngizizwe ngiwumuntu wesifazane okungafanele abheke omunye umuntu eceleni. Umuzwa engiba nawo uma nginaye, ngiye ngifise sengathi bonke abesifazane ngabe bayaba nawo uma besenkonzweni yasekameleni nabayeni babo.
"Kubalulekile ukuxoxisana nendoda yakho ngezinto ezithinta inkonzo, uyitshele ukuthi uzizwa kanjani uma niyenza. Uma ungagculisekile musa ukuba namahloni, itshele ukuthi awujabule ngendlela eyenza ngayo ukuze ikhuphule amasokisi.
"Angibagq ugquzeli abesifazane ukuba bahlale ebudlelwaneni obungebuhle, obunodlame nokungathembeki, kodwa ngithi lokho okuncane okusuke kukujabulisa, bambelela kukhona, ngelinye ilanga kuzolunga konke.” I-executive Producer yalolu hlelo, umpho Lengane ikuqinisekisile KWILANGA Langesonto ukuthi isizini yesibili yalolu hlelo izoba khona.
“Sijabule kakhulu ngomehluko owenziwe wuhlelo imina Nawe House empilweni yababukeli bethu. Sibafundisile ukuthi uziqala kanjani izingxoxo ezinzima othandweni. "Okungalindeleka (namhlanje) ohlelweni wukuthi sizobona umpho Kekana etshela umndeni wakubo ukuthi ezinye zezinto abebatshela zona ngenkosikazi yakhe umakgabo bezingesilona iqiniso.
"Umndeni kalivhuwani Madavha uyanqatshelwa ukuya emndenini kazwido Ramushasha, kuthiwa ungakwazi ukungena khona ngosizo lwenkantolo noma lwamaphoyisa ngenxa yomlando wokuhlukumeza anakho. Uhlelo luzobe lushayelwa ngusominzi Mhlongo,” esho.
Uthe bamkhethe usomgaga ngoba ubelulandela uhlelo futhi enemibono ngalo.”