IZINKANYEZI:

NGABE WUSUKU LWAKHO LOKUZALWA NAMUHLA?

AMAGALELO akho ezinhlelweni ezisemqoka abukeka ezoletha umehluko omkhulu. Uzozibeka phambili izinto eziphathelene nomsebenzi wakho. Kokunye awucopheleli

ARIES

KUKHONA eminye imizamo yakho engeke iphumelele kahle. Njalo uba nokuphazamiseka uma kufanele uthathe igxathu elisemqoka ngempilo yakho.

TAURUS (April 20-May 20)

SEBENZA ngokuzikhandla ukuze ungeke uzisole ekugcineni. Ukuzinikela kwakho ekuqaleni kabusha yikhona okuzogqama manje. Ziningi kakhulu izinhlelo ofuna ukuziphumelelisa.

GEMINI (May 21-June 20)

UNENKINGA yokungathembi noma ngubani. Uyakwazi ukuvuka uma kade uwile. Uyazi ukuthi izinto ezithinta wena zihlale ziwumzukuzuku omkhulu kakhulu. Isisekelo sokunqoba kwakho sizoncika ekusebenzisaneni nabanye.

CANCER

BANINGI abayihloniphayo imibono yakho. Kufanele weseke njalo izinhloso ezihambisana nobulungiswa bese uchitha lezo ezingalungile. Ubudlelwano obusha empilweni yakho bungakushiya nesifundo esithile.

LEO (March 21-April 19) (July 23-August 22)

IZINKINGA zobudlelwano kumele uzisingathe ngokucophelela. Ubona sengathi umzabalazo wakho osemqoka uncike kakhulu ekuxazululeni inkinga yakho yezezimali.

VIRGO (June 21-July 22) (Aug 23-Sept 22)

UNGAZITHOLA usuzama amaqhinga ehlukene. Uma ungayeka impikiswano engqondweni ubeke okukodwa okusemqoka unganqoba kalula. Qinisa ukuzethemba kwakho ngomoya wethemba.

LIBRA (Sept 23-Oct 22)

FUNDA isifundo esisemqoka kuzo zonke izinkinga oke wabhekana nazo. Awuphathekile ngendlela oyifisayo ngenxa yabantu abathile.

SCORPIO (Oct 23-Nov 21)

MANINGI amaqhinga afika engqondweni yakho. Kumele uzihluphe ngokuzibuza ngesimo sekusasa lakho.

SAGITTARIUS (Nov 22-Dec 21)

OKUCABANGAYO kuzogqama kakhulu ngezenzo. Imicabango yakho uyakwazi ukuyihlela kahle ize ihambisane nezinhlelo ophezu kwazo.

UKUNGASHESHI uthathe izinqumo kuzokusebenzela kakhulu. Kuqaphele ukuthi okwenzayo uyakwenzisisa futhi awukushiyi kulenga.

AQUARIUS (Jan 20-Feb 18)

ZIMISELE ngawo yonke indlela ukugqiba imicabango ekuzwisa ubuhlungu. Unobuhlakani obuhlale budingwa ngabaseduze nawe. Ungumuntu okwaziyo ukubhekana nezinkinga ezahlukene.

PISCES (Feb 19-March 20)

MALUNGU eqembu lomculo lezelamani azibiza ngesai-hle, athi ukungawutholi umsebenzi awufundele yikho okudale ukuba aze angene emculweni.

U-amahle nosiphosethu bakwakoom, bobabili banamajazi emfundo ephakeme - u-amahle uneziqu kwi-information Technology kanti usethu unezemechanical Engineering.

“Sikubukile ukuthi iningi labantu liziphilisa ngamathalente, futhi bakwazi nokondla imindeni ngawo. Ngokungaqhamuki komsebenzi nathi sathi ake sisebenzise ithalente esinalo ukuze sikwazi ukuphila,” kuchaza u-amahle.

Lezi zelamani zithi zaqala kwigiya Africa lapho kade zingama- backing vocalist khona. Kwahamba isikhathi zazizwa sezikulungele ukuba zingaqala zibhale umculo wazo. Zithi ziqale kwi- gospel ngoba yiyo ezikhule ngayo ekhaya.

“Ziningi izinto esidlule kuzo yize sibancane ngokweminyaka. Besifuna ukungena ohlotsheni lomculo lapho sizokwazi khona ukuba silalelwe yintsha bese ithola ukugqugquzeleka futhi ibuyelwe yithemba,” kuchaza usethu.

Usethu uthi bekunezikhathi lapho abantu bebeke babuze ukuthi kanti bebeyokwenzani enyuvesi ngoba bafana nabantu abangafundile njengoba bebengawutholi umsebenzi.

“Konke lokho bekusilahlisa ithemba kepha ngoba besazi ukuthi siphokophele kuphi - yingakho silapha namhlanje.

“Akekho owake wacabanga ukuthi singangena emculweni kodwa ujehova emuhle konke kuyenzeka,” kuqhuba yena.

Lezi zelamani zi-nengoma esihloko sithi,

“Impilo”, esiqalile ukutholakala ezitolo zomculo ezahlukene.

“Ingoma eyi- afro pop esicabanga ukuthi baningi abazoyithokozela. Ike yadlalwa kukhozi FM - esibone ukuthi kube yingqophamlando ukuthi sithi sifika nje emculweni bese siqala ngegiya eliphezulu kanje.

“Sinethemba lokuthi konke kuzophumelele,” kuchaza u-amahle.

Bathi bangakujabulela ukusebenza nabaculi asebezakhele igama njengeBlaq Diamond, u-ami Faku, usjava no-sun-el Musician. tzondi@ilanganews.co.za www.ilanganews.co.za