NGAPHANDLE KWENKUNDLA:
UBONGA unkulunkulu ngakho konke okwenzeka empilweni yakhe umdlali ogila izimanga ngokuqobela amagoli amqoka kwilamontville Golden Arrows esanda kwethweswa umqhele wokunqoba iq2 kwidstv Premiership.
Upule “Shuffle” Mmodi (27) ongumgadli we-arrows uthi ukholwa wukuthi ukuba unkulunkulu akekho eduze kwakhe ngabe ikhono lakhe kunobhutshuzwayo kaligqamanga. Lo mdlali wazalelwa etheunissen, efree State.
Ufunde eboliba Primary School naseconcordia Secondary School lapho ephothule khona umatikuletsheni ngo-2012.
Uqale ukuzibonakalisa ebholeni edlalela ifree State Development Academy ngaphansi kukaDavid Vilakazi. Wahlala amasizini amathathu kuyona. Ube eseqoma imangaung United ebilolongwa ngumorena Ramoreboli owake wacija imaluti FET College.
Usuke kuyona wajoyina uthongathi FC olugijima kwigladafrica Championship. Udlale amasizini amabili kuthongathi ngaphambi kokulandwa ngusteve “Mphathi” Komphela esacija i-arrows obesizwa ngumandla “Mhloli” Ncikazi okumanje wenza ezibukwayo njengenhloko yabalolongi beArrows.
Ingxoxo YELANGA Langesonto
( I/ L) nommodi ngempilo yakhe yangaphandle kwenkundla ihambe kanje:
I/ L: Ungumuntu onjani?
Mmodi: Kangiyena umuntu okhonze ukukhuluma kakhulu. Kodwa-ke abangijwayele bangathi ngiyakwazi ukuxoxa uma sikhona isidingo.
I/ L: Usichitha kanjani isikhathi sakho?
Mmodi: Ngokubuka umabonakude kumbe ngizicofele ucingo lwami, ngingene kwi-instagram. Ngiyangena futhi nakwiwhatsApp.
I/ L: Uhlala nobani ekhempini ye-arrows?
Mmodi: Noneverdie Makhubela benolindani “Maleven” Mtshali kwazise sitholana kahle kakhulu nabo.
I/ L: Uthanda ukudla okunjani?
Mmodi: Ngikhonze ilayisi nenyama ebomvu.
I/ L: Unazo izingane?
Mmodi: Cha, kodwa nginaye umuntu engihlekisana naye.
Nokho kangijahile ukuqala umndeni ngoba isikhathi ngisenaso.
I/ L: Yini eyokuqala oyenzayo uma uvuka ekuseni?
Mmodi: Ngivuka ngithandaze bese ngixubha amazinyo ngaphambi kokuya ejimini.
I/ L: Ukhonza kuphi? Mmodi: Ekhaya bakhonza efora Church. Yilapho