MFANAFUTHI NDLOVU
engithokomala khona ngibusiseke ngezwi lenkosi.
I/ L: Basekhona yini abazali?
Mmodi: Sekusele umama ubasetsana Mmodi, ubaba ngulucas usadlula emhlabeni.
I/ L: Nibangaki kwenu?
Mmodi: Sibawu-6 ugodfrey, upule, uthabiso, usimalakeni, usabatha ulebo nami.
I/ L: Uhamba ngamotoni?
Mmodi: Ngihamba ngegolf 7.
I/ L: Yisiphi isiqholo okhonze ukusisebenzisa?
Mmodi: Yi-air Val International FC Barcelona Eau De Toilette kwazise inephunga elimnandi.
I/ L: Uthanda nhloboni yomculo?
Mmodi: Amapiano ngiwathanda ukufa, ngizilalelela wona ngaso sonke isikhathi.
I/ L: Usalikhumbula iholo lakho lokuqala?
Mmodi: Yebo, kwaba wu-r14 000 yize ngingeke ngikwazi ukusho ukuthi ngawuthola ngidlala kuphi.
I/ L: Yisiphi isilwane osesabayo?
Mmodi: Yinja, ngiyesaba ukufa.
I/ L: Yimuphi umbala owuthandayo?
Mmodi: Ngithanda umbala omhlophe ngoba wenza ukuthi umuntu agqame noma yikuphi lapho esuke ekhona.
I/ L: Usebenzisa nhloboni yamakhokho?
Mmodi: Ngisebenzisa imercurial Superfly, leli khokho lingiphatha kahle kakhulu enkundleni uma ngidlala ngalo.
I/ L: Yiliphi izwe ofisa ukulivakashela?
Mmodi: Ngingajabula uma ngingakwazi ukuvakashela e-england nasefrance.
I/ L: Ukhule uthanda muphi umdlali?
Mmodi: Baningi abahle kodwa udavid Beckham wase-england usahamba phambili kubadlali engibabuke bedlala kahle ibhola.
I/ L: Kunjani ukudlalela ikilabhu ephethwe ngumuntu wesifazane (umato Madlala)?
Mmodi: Okuhle ngakho wukuthi kulula ukukhuluma naye. Uyakwazi ukulalela. Ngithanda ukuthi ungumuntu oyisho injengoba injalo into akholelwa kuyona, akashoni ezintangeni.
I/ L: Uyakholelwa emuthini?
Mmodi: Yebo, nakuba ngingawusebenzisi mina, kodwa kangimexwayi neze umuntu owusebenzisayo kwazise emhlabeni sikholelwa ezintweni ezahlukene.
I/ L: Uthini umbono wakho ngeCovid-19?
Mmodi: Kumele abantu baqikelele ukufaka izifonyo uma bephakathi kwabantu ukuvikela bona nabo bonke abantu abasondelene nabo.
I/ L: Yini osafisa ukuyenzela umndeni wakho?
Mmodi: Wukuwakhela umuzi omuhle osezingeni engilithandayo ukuwubonga ngokungifundisa impilo.
I/ L: Uthini umlayezo wakho entsheni?
Mmodi: Uma udinga into kumele uyisebenzele kanzima ukuze uyithole.
Kumele ukhethe abangani abahle abangeke bakuholele ehlane. Kufanele isebenzele ukunyusa amakhono ewaphiwe wuMdali.