USHELWA YIKILABHU YASESPAIN UBEN 10
USHELWA yikilabhu yasespain umdlali weqembu lesizwe lakuleli ibafana Bafana, osenuka iqaqa kubalandeli bekilabhu yakhe yase-europe.
ILANGA Langesonto lihletshelwe ngumthombo walo ukuthi ubongani “Ben 10” Zungu olihlikihla kwiglasgow Rangers yaseScotland ufunwa yireal Mallorca yasespain eziholayo kwisegunda Division futhi ethishwa ukunyukela kwispanish La Liga ngesizini ezayo.
Uzungu usematheni kubathandi bebhola emhlabeni njengoba benozakwabo abane bebesezindabeni emuva kokuba bephule imithetho yokugonqa njengoba kubhoke icovid-19 emhlabeni.
Benze umcimbi wenjabulo ekubeni kuyinto engavumelekile. Uzungu ugxekwe kakhulu kwazise nguyena omdala kunozakwabo abehamba nabo.
Kwenzeka konke lokhu nje, ubolekiswe yi-amiens kwirangers kuze kuphele isizini. Kunesivumelwano sokuthi irangers imthenge uma kuphela isizini ka-2020/2021. Nokho kubukeka eshabalele amathemba okuthi irangers isazomthenga njengoba egxekwe nxa zonke ngesenzo sakhe.
Ngisho izingwazi ezihlonishwayo kwirangers zisigxekile isenzo sikazungu, zalibeka ngesihloko elokuthi ku-fanele ahambe.
Uxolisile okwenze usteven Gerrard ongumqeqeshi wakhe wambuyisela eqenjini ngolwesithathu. Uqalile ukujima nozakwabo.
Nokho lo mdlali osehlale iminyaka ebalelwa kwewu-5 e-europe kuthiwa ushelwa yimallorca engenye yamakilabuu amadala espain.
Umthombo waleli phephandaba oncikene nozungu, uthe: “Ngeke ayiswele ikilabhu ngesizini ezayo ngisho irangers ingangamthenga kunekilabhu esha amashushu yasespain emfuna phansi phezulu. Nakwi-english Premiership ikhona ebuzile ngaye wukuthi yona kayikhulumanga into eqondile njengemallorca.
Kodwa-ke njengamanje uyalelwe ngumphathi wakhe ukuthi agxile emdlalweni wakhe kuze kuphele isizini okuyilapho kuzobe sekucaca khona ukuthi kwenzakalani ngesimo sakhe.”
U-alexis Ramali-ngam ophethe izindaba zikazungu, uthe okwamanje ngeke akwazi ukuphawula ngekusasa lalo mdlali, bazolinda kuze kuphele isizini. “Akhona amaki-labhu amfunayo ko-dwa ngeke sikwazi ukukhuluma ngalokho okwamanje ngoba sonke siyazi ukuthi ubuya esimweni esinjani. Indaba yakhe sizoyixoxa kahle uma sekuphele isizini.
"Okuhle wukuthi ubuyisiwe eqenjini lerangers usejima nalo,” kusho urama-lingam.