Uboshwe esesikoleni osolwa ngokunukubeza izingane
Kuthiwa umfundi (19) ubeshutheka iminwe ezithweni zangasese zezisulu
USHAQWE ngamaphoyisa ngeledlule esesikoleni owesilisa (19) ezincane.wakwaminyamanzi, Kwanongoma osolwa ngokunukubeza ngokocansi izingane
ILANGA Langesonto linalo igama lomsolwa okuthiwa abakwasidlodlo bamshaqe engazelele, esesikoleni samabanga aphakeme khona Kwanongoma.
Usolwa ngokushutheka iminwe yakhe ezithweni zangasese ezinganeni ezineminyaka ephakathi kwemibili kuya kwengu-12 ubudala.
Kubikwa ukuthi umsolwa ungumuntu owaziwayo endaweni, futhi ubejwayele ukuvakasha kubo kwalezi zingane njengoba zingomakhelwane.
Ngokuthola kwaleli phephandaba, umsolwa uke wanyamalala endaweni njengoba lolu daba luqale ukuvela ngonyaka owedlule.
Umthombo osondelene nemindeni, esiwugodlile ngenxa yokuba bucayi kodaba, uveze ukuthi umsolwa ungumfanyana nje obenganakekile futhi kungekho osolayo ukuthi ugila lo mhlola ezinganeni.
“Lo mfana ubejwayele ukuvakasha kule mindeni agile kuyona le mikhuba.
“Ubefike azibize, adlale nazo bese ezishutheka umunwe wakhe esithweni sangasese.
“Kokunye ubeke abize izingane abuke nazo ama-video ocansi, bese eyazikopa ashaye indlwabu, aze afike kuvuthondaba.
“Ubesenesikhathi enza lokhu engabanjwa.
“Uke wabanjwa ngunina wesisulu esineminyaka emibili esiphenya inabukeni, okuthe uma ebuzwa ukuthi wenzani, wazivikela ngokuthi ubeyibheka ukuthi kayizonele yini.
“Indaba ivele ngesikhathi esinye isisulu abejwayele ukusigila simbona, sabe sesibaleka simemeza sithi nangu u... (egagula umsolwa ngegama) esezosi ......
“Unina waso ube esehlala naso phansi, wasibuza ngalokhu, sabe sesiyasho.
“Sibale nezinye izingane abekwenza kuzona lokhu.
“Zibiziwe zonke zabuzwa, zasho ukuthi nazo ubezishutheka umunwe esithweni sangasese.
“Zithathiwe izingane zayiswa kudokotela, ufike wakuqinisekisa ukuthi zinukubeziwe.
“Kube sekuvulwa icala ngomfumfu (October) wangonyaka owedlule.
“Umsolwa ube esenyamalala endaweni isikhathi eside, engaziwa ukuthi ukuphi. Uphinde wabuya njengoba efunda khona lapha,” kusho umthombo.
Uveze ukuthi abazali bezingane bekubahlukumeza kakhulu ukubona umsolwa ezicanasela ngaphambi kokuba aboshwe.
“Obekubaphatha kabi wukuthula kwamaphoyisa yize icala babelivulile kodwa kungacaci ukuthi kwenzekani ngomsola, ngoba udokotela wakuqinisekisa ukuthi izingane zinukubeziwe,” kusho yena.
Ihhovisi likandunankulu wakwazulu-natal unkk Nomusa Dube-ncube likushayele ihlombe ukuboshwa kwalona wesilisa.
Okhulumela amaphoyisa ult Col Nqobile Gwala uthe ukhona umsolwa oboshiwe ngamacala amahlanu okudlwengula, kanti kulindelwe ukuba avele enkantolo kusasa ngomsombuluko.