Baxova isifunda sasemkhanyakude osombusazwe abangamagovu
MHLELI: Kuyadabukisa ukubona usizi luqonga kubantu besifunda sasemkhanyakude, njengoba isimo sozinzo sidungekile ngenxa yabaholi abangamagovu ngokuzicabangela bona nemindeni yabo.
Le nto igqame kakhulu emkhandlwini wesifunda njengoba kuyinhlamba engasoze yalibaleka kubantu abawukhumbintethe, kwelokuthi umbuso usezandleni zalabo abayiziqhwaga ngokuqhoqhobala izikhwepha zombuso ngenkani, nangokuphambana nentando yezwi kanye nokukhetha kwabantu kulolu khalo.
Ayikhulumeki futhi ayichazeki eyokushingila ngenkani kweqembu likakhongolose njengoba ligweve nesicoco somkhandlu ngokuphikisana nenkambiso yezwe.
Kuyiqiniso ukuthi iqembu lenkatha yilona elavunwa yizinhliziyo zabantu okhethweni lwakamuva lohulumeni bezindawo, kodwa okwethusayo wukubona iqembu likakhongolose linqwaha nesihlalo sombuso ngendlela ephikisanayo nentando yezihlwele zakulesi sifunda.
Kuyadabukisa nje nakho ukubona leli qembu le ANC liqhomoloze phambili kulo mkhandlu ngokuncika obondeni lwezinkantolo, hhayi ekuthobeleni izifiso zesizwe.
Kuyaxaka ngoba kakade besizwa leli qembu liqholosha ngokuthi liwumbutho wabantu, yize sekucaca ukuthi abantu abasekho eviyweni labo, kodwa kunalokho sengathi sebala-ndelwa yimihlane yabo kuphela, ku-ngenjalo phela nga-be umkhanyaku-de ba-wuphethe ngokwesekwa ngabantu, hhayi izinka-ntolo.
Umkhandlu wasemtubatuba nawo ungomunye owatheleleka ngeshobolo kwazise nawo unesi ‘shozi’ sodungunyane, ekanti nakhona kuyakhomba ukuthi abafowethu baka-khongolose bamagange ngokufaka ‘unyawo lwedada’ ngezizathu ezingaqondakali.
Umlando omfushane wakulo mkhandlu ukhomba ukuthi iqembu le ANC lawuhlwitha khathisimbe nyakenye maqede kwanyomfeka izinto eziningi, njengoba kwanyulwa ngamawala kogalaza eziko, nokuthe nxashane iqembu lenkatha seliwuthatha lo mkhandlu ngokusemthethweni kwafumaniseka ukuthi izitho embizeni kazisaphelelanga.
Kuvela nokuthi abe IFP baphuma