OWE-SUNDOWNS UYAZIGQAJA NGOKUBOPHELA ULOZOLO LWABADLALI
ISETSHENZELWA wukubophela ulozolo lwabadlali imamelodi Sundowns edlala ibhola elinenkosi phakathi kule sizini.
Le kilabhu ikhombisa amandla amakhulu kuyona yomithathu imiqhudelwano ebambe iqhaza kuyona njengamanje; okuyidstv Premiership, inedbank Cup necaf Champions League.
Urulani Mokwena, ololonga idowns, uthi imfihlo yabo ilele ekucopheleleni uma besayinisa abadlali, nasekubathakeni ngendlela emidlalweni ehlukene.
Idowns izobhekana nestellenbosch FC kowedstv Premiership namuhla ngesonto ngo-15h30 edanie Craven Stadium, estellenbosch.
Iya kulo mdlalo nje, ibhambabule imarumo Gallants ngo-3-1 kowelast 16 yenedbank Cup ngolwesine kusihlwa efree State Stadium.
Ngeledlule ibise-egypt lapho ibambane khona ne-al Ahly ngo-2-2 kokagroup B wecaf Champions League.
Umokwena uthe: “Mangiqale ngokubonga lonke ithimba labaqeqeshi besundowns, lenze umsebenzi omkhulu ukuze sidlulele emzuliswaneni olandelayo wenedbank Cup.
“Kunzima ukubhekana nemiqhudelwano emithathu eyehlukene esikhathini esifushane.
“Kakulula ukwehla wenyuka emazweni ase-afrika uyodlala.
“Kodwa-ke okwenza abadlali bethu bahlale besesimeni wukuthi kasilenzi iphutha lokusayinisa noma yibaphi abadlali, sisayinisa abaseqophelweni eliphezulu futhi abangena khaxa esitayeleni sethu.
“Ngenxa yeqophelo eliphezulu labadlali bethu, uma sishintsha isikimu noma ngubani esimnika ithuba ufike enze umsebenzi ngaphandle kwenkinga.
“Njengoba siya kulo mdlalo westellenbosch nje, nakhona sizokwenza izinguquko, kodwa ngeke ubonakale umehluko ngoba abadlali esinabo bakwelinye izinga.
“Ngeke uzwe sikhala ngokuthi bakhathele yingoba sibashintshanisa ngendlela.”
* Eminye imidlalo yedstv Premiership enamuhla:enelson Mandela Bay Stadium: Chippa United vs Amazulu 15h30.
Efree State Stadium: Marumo Gallants vs TS Galaxy 15h30.
Elucas Moripe Stadium: Supersport Utd vs Golden Arrows 17h45.