UMQEQESHI WE-LIVERPOOL UVUMA UBUNGOZI BOMGADLI WEMAN UNITED
BUVUNYWA nangumqeqeshi wezimbangi ezinkulu ubungozi bukamarcus Rashford ongumgadli wemanchester United (osesithombeni) ezoshukana neliverpool kowe-english Premiership namuhla ngesonto ngo-18h30 e-anfield.
Ujurgen Klopp, ongumqeqeshi weliverpool, uthi urashford unakho konke okudingeka kumgadli njengoba ekwazi ukubhakuzisa inethi ngezindlela ezahlukene.
Unxuse abadlali bakhe ukuba babambisane ukuqinisekisa ukuthi urashford uphuma engayibhakuzisanga inethi.
Lo mdlali uvutha engabaselwe kule sizini njengoba eseshaye amagoli awu-25 emidlalweni ewu-39 yayo yonke imiqhudelwano kule kilabhu eqeqeshwa ngu-erik ten Hag, ozibule ngenkomishi yakhe yokuqala kwired
Devils enqoba ileague Cup ngeledlule bedla inewcastle United ngo-3-1 ewembley Stadium.
“Kakuyona into ejwayelekile ukuncoma okuhle okwenzeka kwimanchester United uma ungumqeqeshi weliverpool, kodwa-ke ukukhuluma iqiniso, ngiyamjabulela urashford,” kusho lo mqeqeshi odabuka egermany.
“Uthwale kanzima ngonyaka odlule kodwa manje ugila izimanga enkundleni.
“Isivinini sakhe nobuchule ebholeni kumenza abe ngumdlali okhethekile.
“Indlela angaxhamazeli ngayo phambi kwamapali iyamangalisa.
“Ushaya amagoli asezingeni lomhlaba, abhakuzise nalawa okuthiwa alula; uyakwazi nokungqofa.
“Kuzodingeka ukuba simumake ngokubambisana, yize kungayena kuphela oyingozi (kwiman U),” kusho uklopp.
Ired Devils ibukeka izelwe kabusha ngaphansi kukaten Hag, njengoba isabungaza impumelelo yangeledlule.
Uklopp uthe okuhle wukuthi uzokuya kulo mdlalo abadlali abaningi bakhe beyimiqemane ngaphandle kukathiago Alcantara noluis Diaz abasanesa ukulimala.
Isiyonke imidlalo ye-english Premiership enamuhla:
Forest vs Everton 16h00. Liverpool vs Manchester United 18h30.
*
Real Valladolid vs Espanyol 15h00.
Barcelona vs Valencia 17h15. Rayo Vallecano vs Athletic Club 19h30.
Real Betis vs Real Madrid 22h00. KUSASA NGOMSOMBULUKO