Ukubambisana kwabe-da NE-IFP bathi sekunezithelo
ABAHOLI benkatha Freedom Party (IFP) nabedemocratic Alliance (DA) Kwazulu-natal, bakholwa wukuthi sinemiphumela emihle isivumelwano sabo sokusebenzisana ekuhlinzekweni kwezidingo zomphakathi.
Esithangamini sabezindaba ebesingolwesihlanu, umnu Thami Ntuli ongusihlalo WE-IFP kulesi sifundazwe, uthe bayaziqhenya ngenqubekela phambili abayibonayo emizamweni yokulungisa umonakalo abathi wenziwe YIANC kwezinye izindawo esifundazweni.
“Ukubambisana kwe-ifp neda kube nayo imithelela emihle kwabanye omasipala, njengoba sazi ukuthi owasemhlathuze ungomunye esibambisene kubo ozinze kakhulu - nabanye okukhona uzinzo kubo,” kusho untuli.
Uthi nangokombiko kamncwaningimabhuku omkhulu, umasipala umhlathuze uthole umbiko ongenangcobho.
Uthi bashayela ihlombe nabanye omasipala abathole umbiko ongenalutho njengowesifunda iking Cetshwayo, umlalazi, nowasokhahlamba.
“Esikuqaphelile-ke wukuthi akukho nowodwa oweqembu LEANC othole umbiko ongenagcobho,” kusho untuli.
Nakuba ethi bayayibona inqubekelaphambili, kodwa uthi bayakuqonda ukuthi umsebenzi usengenziwa kangcono.
“I-DA NE-IFP bajabule ngomsebenzi owenziwe yimeya YE-IFP, umnu Xolani Ngwezi nephini lemeya yeda, umnu Christo Botha kumasipala wasemhlathuze njengoba belwela ukuhlenga idolobha ekuwohlokeni kwezinkampani zikahulumeni njengetransnet, okuno-mthelela omkhulu kwirichards Bay,” kusho untuli.
Uthi ukuzithela ngabandayo kukahulumeni kazwelonke oholwa YI-ANC, ikakhulukazi umengameli Cyril Rampahosa nongqongqoshe wezamabhizinisi kahulumeni, umnu Pravin Gordhan ngezinkinga eziserichards Bay Coal Terminal, kuletha ubunzima kwezemvelo, isiminyaminya emigwaqweni, nobunzima bezemali kulo masipala.
Phezu kokuba IDA NE-IFP bethi uyabonakala umehluko kwezinye izindawo, umnu Francois Rodgers ongumholi weda Kwazulu-natal, uthi bayakuvuma ukuthi kusenezinselelo komasipala abathile, ezidinga ukubambisana kwala maqembu ukuze zilungiswe.
“Ezingxoxweni zethu (ngolwesihlanu ekuseni), sidingide izindlela zokusiza umasipala Abaqulusi, umasipala i-alfred Duma nomasipala wesifunda uthukela,” kusho urodgers.
Emizamweni eqhubekayo YEIFP ne-da yokuketula I-ANC emandleni, urodgers uveze ukuthi okhethweni lokuchibiyela oluzoba sethekwini ku-ward 101 ngolwesithathu, IDA ithathe isinqumo sokungangeneli umbango wesikhundla, kodwa beseke I-IFP.