Uzwelana nokhune omiselwe utshwala ezimpofaneni
‘Ukungenzi kahle kwekilabhu bekumfakela ingcindezi’
UZWELANA nonozinti wekaizer Chiefs u-itumeleng Khune okuthiwa umisiwe kulandela ukufika emsebenzini edle amponjwana ujunior Khanye, owazakhela udumo egijima kuyona le kilabhu eminyakeni edlule.
Ichiefs imemezele ngolwesine ukuthi ikomidi layo lokuqondisa ubugwegwe linqume ukummisa ukhune ekuzihlanganiseni nesikwati sayo ngenxa yalezi zinsolo.
Iphinde yathi izomsiza ukuyohlunyeleliswa isimilo.
Abantu abaningi babuka isimo sikakhune njengesesibheke esiphethweni sohambo lwakhe kule kilabhu njengoba ebevele enenkontileka yonyaka evuselelwe kuqala isizini.
Ichiefs yakuveza phambilini ukuthi isezinhlelweni zokumfaka ezinhlakeni zayo zokulolonga onozinti ngenxa yeminyaka yakhe, kodwa yena wathi usazibona evunyelwa wumzimba ukuqhubeka nokuba sezintini.
Ukhanye, osengumhlaziyi wezemidlalo kwidiski TV, utshele ILANGA Lempelasonto ukuthi umthumelele ukhune umqhafazo, emgxeka ngokuphuza emsebenzini ekubeni azi ukuthi baningi abadlali bephelelwa yikusasa ngenxa yotshwala, kubalwa kubona naye (ukhanye).
Uthi ubengakamphenduli.
“Ngimkhonze kakhulu ukhune kodwa ubhedile.
“Le nto ayenzile nami ngayenza, ngabulala ikusasa lami ebholeni ngotshwala. awenzile kwichiefs jikelele. “Ngidlalile naye, wayeziphethe kahle kakhulu.
“Nokho ngiyasiqonda isimo sakhe sakamuva sokuphazanyiswa wukungenzi kahle kwekilabhu, okumfake kule nto. “Ngigxeka nabadlali ababili okuvela ukuthi yibona abamceba ezikhulwini ukuthi ufike ejimini ephuzile. “Kwakumele bakhulume naye eceleni ukuze agoduke ukwenzela ukumhlenga njengokaputeni wabo,” esho.
Uthi ukholwa wukuthi kuningi ukhune asengakwenzela ichiefs ngoba ungomunye wabadlali abayisebenzele ngobuqotho iminyaka eminingi.