SEHLUKANISE I-CAMEROON ISICELO SOMDLALI OWUHLUPHO Imibuzo kusala abasefomini kwibafana ezodlala kwi-afcon

UNOZINTI weqembu lesizwe lasecameroon nemanchester United, u-andre Onana osezakhele udumo ngokuba wuhlupho - ufake isicelo kwicameroon Football Federation (CFF) sokuba afike sekuhambe isikhathi ekhempini yeqembu labadlali abaya kwi-afcon eqala ngenyanga ezayo e-ivory Coast.

Iman U izobhekana neforest kowebarclays Premier League namuhla ngomgqibelo ngo19h30.

U-onana - osematheni kulezi zinsuku njengoba esolwa ngokudlisela iman U - usekuphindile lokho njengoba efake isicelo sokuba afike sekuhambe isikhathi ekhempini yecameroon eqhubeka esaudi Arabia.

Kuthiwa lo mdlali ufuna ukufika emuva komdlalo weman U newigan wefa Cup ozokuba ngomhla ka-8 kumasingana (January).

Ngakusasa icameroon izobe idlala owesihle nezambia ukulungiselela i-afcon okusho ukuthi ngeke awugijime.

Kuzokhumbuleka ukuthi lo mdlali uke wasusana nomqeqeshi urigobert Song nomengameli WECFF usamuel Eto’o kubangwa indlela yokuziphatha emqhudelwaneni wendebe yomhlaba obuseqatar ngo-2022.

Ugcine engawuqedanga lo mqhudelwano

Kwawushiya phakathi. Nokho sibhekwe ngabomvu isinqumo SECFF ngesicelo salo mdlali okuthiwa sishiye abantu bakuleliya lizwe behlukene phakathi.

* Isiyonke imidlalo ye-english Premier League ihlelwe kanje: NAMUHLA

Luton Town vs Chelsea 14h30. Aston villa vs Burnley 17h00. Palace vs Brentford 17h00. Man City vs Sheffield 17h00. Wolves vs Everton 17h00. Forest vs Man United 19h30.

KUSASA

Fulham vs Arsenal 16h00. Tottenham vs Bournemouth 16h00.

NGOMSOMBULUKO

Liverpool vs Newcastle 22h00. * Eye-italian Serie A imi kanje:

NAMUHLA

Atalanta vs Lecce 13h30. Udinese vs Bologna 16h00. Cagliari vs Empoli 16h00. AC Milan vs Sassuolo 19h00. Verona vs Salernitana 19h00. Juventus vs Roma 21h45.

UQUBULE imibuzo engenazimpendulo ukusala kwabadlali abamqoka esikwatini esimenyezelwe nguhugo Broos ongumqeqeshi webafana Bafana azogadla ngaso kwi-africa Cup of Nations (Afcon) ezoqala ngomasingana (January) isongwe ngonhlolanja (February) e-ivory Coast.

Phakathi kwabadlali abasefomini enhle, okukhalisile ukusala kwabo, kubalwa ukhanyiso Mayo wecape Town City (osesithombeni) no-iqraam Rainers westellenbosch FC.

Ushaun Bartlett oyingwazi yebafana njengoba ayeyingxenye yesikwati esanqoba i-afcon ngo-1996 eningizimu Afrika, uthe usamangele ukuthi umayo usale kanjani benorayners njengoba besefomini.

Uthe ukholwa wukuthi notapelo Xoki ogijima kwi-orlando Pirates bekufanele angene kulesi sikwati, kungacushwa ngaye.

“Yize kunjalo, osekubalulekile manje wukweseka lesi sikwati, sibone ukuthi umcabango womqeqeshi usibekaphi kulo mqhudelwano. Phela mukhulu umsebenzi abhekene nawo ukuzama ukubuyisa isithunzi sezwe kule midlalo emqoka yase-afrika.

"Kangikholwa ukuthi angehluleka ukusifaka emidlalweni eyandulela owamanqamu. Kungaba yihlazo uma singabuya ekuseni,” kusho ubartlett.

Ubroos uqinise abalandeli bakuleli idolo ethi, lesi sikwati sizokwazi ukudlulela esigabeni esilandelayo.

Lesi sikwati sizohlangana ngolwesine esiya kulona lomhla ka-4 estellenbosch, ewestern Cape, bese sidlala owobungani nelesotho elucas Moripe Stadium, e-atteridgeville, ngaphambi kokubamba indiza ebheke e-ivory Coast ngomhla ka-11.

Sesisonke isikwati esiqokwe ngubroos simi kanje,

*

onozinti: Uronwen Williams, uveli Mothwa noricardo Goss. Izitobha: Usydney Mobbie, ugrant Kekana, uterrence Mashego, unkosinathi Sibisi, u-aubrey Modiba, usiyanda Xulu, umothobi Mvala nokhuliso Mudau.

Abasesiswini: Utebogo Mokoena, usiphephelo Sithole, uthabang Monare, uthapelo Morena, uthapelo Maseko nojayden Adams.

Abagadli: Uthemba Zwane, uzakhele Lepasa, upercy Tau, umihlali Mayambela no-evidence Makgopa.

* Okucushwe ngabo: Usbongiseni Mthethwa, uxoki no-elias Mokwana.