UMALEMA UVEZE EYOKUSHAQISWA WUTHANDO LWABANTU BASE-KZN
UKUBALULEKA kwekwazulunatal kwezombusazwe yikhona okwenze i-economic Freedom Fighters (EFF) yaqoka ukuba lesi sifundazwe kube yisona okuzokwenzelwa kuso indumezulu yomcimbi wokwethula uhlu lwezethembiso zayo zokhetho (manifesto).
Lokhu kuvezwe ngumholi WEEFF, umnu Julius Malema, esigcawini sabezindaba ebesisemoses Mabhida Stadium, ethekwini, izolo ngolwesihlanu.
Kukuyo le nkundla okuzobe kubuthene kuyo I-EFF ngomhla ka-10 kunhlolanja (February).
Umalema uthe lesi sifundazwe sibaluleke kakhulu endimeni yezombusazwe ngoba singesinye sezintathu ezihamba phambili ezweni lonke ngokuba nabavoti abaningi.
Uqhube wathi uma ufuna ukukinatela i-african National Congress (ANC) kumele uyidlisele ogageni egauteng, Kwazulu-natal nasewestern Cape ingakwazi ukuthola amavoti afinyelela ku-50%, bese wenza isiqiniseko sokuthi kayitholi lutho olungaphezu kuka60% wamavoti kwezinye izindawo ezweni.
“Ngicabanga ukuthi yiqiniso elaziwayo-ke ukuthi egauteng (I-ANC) kayisenamzamo engawenza, iyazi ukuthi iphelelwe ngamaqhinga.
“Iyazi ukuthi ngeke isayithola iwestern Cape, futhi ngeke ilibone elidlalayo Kwazulu-natal bese ithola amavoti angaphansi kuka-60% ezifundazweni eziningi. Lokho-ke kuzokwehlisa umphumela ezowuthola (wamavoti kuzwelonke),” esho.
Uthi ngeke ukwazi ukuketula I-ANC kuhulumeni ungenalo iqhinga ngekwazulu-natal.
Uqhube wathi ngokhetho lwango-2019 abantu bakwazulunatal, bakhombisa ukuthi bayilangazelele I-EFF.
“Uyazi phela abantu bakwazulu-natal basimangaza ngo-2019 ngokhetho lukazwelonke. Imiphumela esayithola lapho sasingayilindele nhlobo. Lokhoke kwakuyindlela abantu bakwazulu-natal ababekhuluma ngayo ukuthi balangazelele I-EFF, ngakho silapha manje,” esho.
Uqhube wathi: “Kasivelanga nje satheleka Kwazulu-natal, samenywa ngo-2019. Basimema (abantu bakwazulu-natal). U-350 000 wamavoti, afika sizihlalele nje singalindele.”
Uthi luzoba wumqansa kwianc nakwinkatha Freedom Party (IFP) ukhetho kulesi sifundazwe.
“Bayathanda kabathandi sikhona manje. Futhi le nkundla izobe igcwele phama. Kasiyona inhlangano yokudlala,” esho.
Uzwakalise ukuzethemba ngokuthi le nkundla izobe igcwele phama abantu BE-EFF abazobe bethuthwe ngamabhasi besuka kuzo zonke izindawo ezweni.
“Le nkundla izogcwaliswa ngabantu BE-EFF abangeke bagibele ebhasini bengakubhalisele ukuvota, abangeke bangene kule nkundla uma bengakubhalisele ukuvota,” esho.
Uqhube wathi: “Umbuthano (rally) esiwuletha lapha kakuwona umbuthano ojwayelekile wumbuthano wokhetho. Silapha ukuzokhankasa, futhi wonke umuntu ozoba nathi kumele abe semuzweni wokukhankasa.
“Lokho sizokwenza ngokuthula, ngaphandle kokuchukuluza amanye amaqembu epolitiki. Sifuna ukhetho olunokuthula,” esho.
“Bayathanda, kabathandi sikhona manje. Le nkundla izobe igcwele phama.