Owosuthu unesifiso ngesilomo sedowns
NGAPHANDLE KWENKUNDLA: MFANAFUTHI NDLOVU
UZIMISELE ngokushiya umaka ongasoze wacimeka emlandweni wesibongo sakubo umlondi “Cheese” Mbanjwa (25), wamazulu FC, othole igoli lakhe lokuqala kwidstv Premiership beguqisa iroyal AM ngo-3-0 emdlalweni wokusonga unyaka odlule.
Kulo mdlalo umbanjwa - wasetshelimnyama, emariannhill uqokwe njengomdlali wosuku.
Ufunde amabanga aphansi em Padavatan Primary, wadlulela emarklands Secondary School, eshallcross, okulapho enze khona umatikuletsheni.
Ubenesifiso sokwenza izifundo ze-electrical Engineering, kepha kwangenzeka ngenxa yothando lukanobhutshuzwayo.
Ikhono lakhe liqale ukugqama kwidurban FC kanino nogian Chidoni isagijima kwisafa KZN ABC Motsepe League, eyagcina ibizwa ngenatal United.
Udlulele kwifree State Stars eyathengwa maqede yabizwa ngecasric Stars - igijima kwinational First Division (NFD).
Emuva kwalokho uqome ipolokwane City.
Sekuwumlando ukuthi uke wadlalela uthongathi FC olugcina luthengise isitifiketi salo, lwathintsha igama lwabizwa ngemilford FC.
Uthi wajabula kakhulu ethola ucingo lumazisa ukuthi kufanele ajoyine Amazulu
FC kule sizini.
Ingxoxo kambanjwa ne
ngempilo yakhe yangaphandle kwenkundla ihambe kanje:
Ungumuntu onjani?
Ngizithobile futhi ngiyabahlonipha abantu abadala. Ngikhule ngihamba inkonzo, kangiphuzi futhi kangibhemi. Ngikhonze ukuhlala nomndeni wami nabangani.
Yini into yokuqala oyenzayo uma uvuka ekuseni?
Wukuthandaza ngicele izinhlanhla.
Bamubalwa abesibongo sakwambanjwa kunobhutshuzwayo waseningizimu Afrika...
Yingakho nje ngifisa ukukulwela ukwenza kahle ukuze ngiqophe umlando wesibongo sami kunobhutshuzwayo. Yiyiphi ifilimu oyithandayo?
Yi-enemy of The State edlalwa nguwill Smith, uregina King, ugene Hackman nojon Voight.
Kuma-soapie? Yigenerations The Legacy. Uyakholwa? Yebo, ngisonta e-apostolic Faith Mission, emariannhill.
Unazo ingane? Ngiyilindele ngenyanga ezayo, kuzokube kungeyokuqala. Ngiyafisa ukuba umdali angiphe amandla okuba ngishadelwe ngelinye ilanga.
Uyakholelwa ezintweni zesintu?
Yebo. Ekhaya iyahlonishwa impilo yabantu abangasekho. Mina-ke ngiyikholwa lokuqina.
Ukhona omunye umdlalo okhule uwenza ngaphandle kukanobhutshuzwayo?
Cha, ibhola lezinyawo yilona elihamba phambili empilweni yami.
Yibaphi abadlali okhule ubukela kubona?
Ngu-andres Iniesta (39) wasespain, kuleli nguthemba Zwane ogijima kwimamelodi Sundowns, enginethemba lokuthi ngelinye ilanga ngiyodlala naye ekilabhini eyodwa. Basaphila abazali?
Yebo. Ubaba Nguthemba Mbanjwa, umama nguthandi Mbanjwa. Bawusizo olukhulu empilweni yami. Ngizalwa nothobile, unomusa, ulucky, umusawenkosi nonoluthando.
Usakhula, iyiphi ikilabhu kanobhutshuzwayo obuyilandela?
Amazulu FC. Uma uziphumulele ulalela nhloboni yomculo?
Ngilalela noma yimuphi, kodwa engiwuthanda kakhulu, ama-piano ne-gospel.
Ukhonze nhloboni yokudla? Uphuthu nenyama ebomvu.
Ukhona ezinkundleni zokuxhumana?
Ngikhona kwiwhatsapp ne-intsagram. Uphatha hloboluni lukamakhalekhukhwini? Yi-iphone 11. Usebenzisa siphi isiqholo?
Itobacolor Fragrance yakwachristian Dior.
Yisiphi isilwane osithandayo nosesabayo?
Ngesaba inyoka, ngithanda inja.
Ufisa ukuhamba ngahloboluni lwemoto?
I-M4 yakwabmw ngenxa yokuzotha kwayo. Okwamanje ngihamba ngepolo.
Yimuphi umbala owuthandayo?
Omnyama nomhlophe.
Yiliphi izwe ofisa ukulivakashela?
Yifrance. Ngithanda inhlokodolobha yakhona, iparis.
Yimaphi amakhokho owasebenzisayo?
Yipuma Future.
Yini ofisa ukuyenzela abazali bakho?
Nginephupho lokubathengela indlu endaweni yomntakabani ukubakhombisa ukuthi ngibathanda kangakanani. Umndeni uneqhaza elikhulu empilweni yami.
Uzibona ukuphi eminyakeni ewu-5 kusuka manje?
Ngizibona ngidlala phesheya kwezilwandle. Yilona phupho elisemqondweni wami lelo.
Uthini umyalezo wakho entsheni?
Impilo ifana nokugibela ibhayisikili.
Ukuze lihlale libhalansile, kufanele uqhubeke uhambe ngalo, ungalilahli ithemba. Ngiyafisa ukuthi iqhubeke nokufunda ukuze ikusasa liqhakaze.